މަސްތުވާތަކެތީގެ ވިޔަފާރިކުރާ ކަމަށް ކުރެވުނު ތުހުމަތާ ގުޅިގެން ކޯޓު އަމުރެއްގެ ދަށުން މާލޭގެ ގެއެއް ބަލައި ފާސްކޮށް، 17 އަހަރުގެ ކުއްޖަކު ހައްޔަރުކޮށްފި އެވެ.
ފުލުހުން މިއަދު ބުނީ އެ ކުއްޖާއާއެކު އިތުރު ދެ މީހަކު ވެސް ހައްޔަރުކޮށްފައިވާ ކަމަށެވެ.
އެ ދެ މީހުންނަކީ މއ. ކޮޓްންވިލާ، އަހުމަދު ސަފްނީޒު، 41، އާއި ޏ. ފުވައްމުލައް، ދޫޑިގަން، ނިއުވެލީ، މުހައްމަދު އިވާން، 23 ކަމަށް ފުލުހުން ބުންޏެވެ.
”އެ މީހުން ހައްޔަރުކޮށްފައިވަނީ އެ ގެ ބަލައި ފާސްކުރި އިރު ހެރޮއިން ކަމަށް ޝައްކުކުރެވޭ 1 ގްރާމް، މެތަމްފެޓަމިން ކަމަށް ޝައްކުކުރެވޭ 0.75 ގްރާމް އަދި ކެނެބިސް ކަމަށް ޝައްކުކުރެވޭ 43.29 ގްރާމް ފެނުމާ ގުޅިގެންނެވެ. މީގެ އިތުރުން 24,110
ރުފިޔާވެސް އެ ގެއިން ފެނިފައިވެ އެވެ،“ ފުލުހުން ބުންޏެވެ.
މި މައްސަލައިގައި ހައްޔަރުކުރި މީހުންގެ ތެރެއިން އަހުމަދު ސަފްނީޒް 10 ދުވަހަށް އަދި މުހައްމަދު އިވާން 15 ދުވަހަށް ޖަލުގައި ބަންދުކުރުމަށް ކޯޓުން ވަނީ އަމުރުކޮށްފައެވެ. 17 އަހަރުގެ ކުއްޖާ ކޯޓަށް ހާޒިރުނުކޮށް ވަނީ ދޫކޮށްލައިފަ އެވެ.
ގުޅުންހުރި
ތިމަރަފުށީގައި ވަޅިއަކުން ހަމަލާދީ މީހަކު ޒަހަމްކޮށްލައިިފި
ހުޅުމާލެ ފޭސް ތިނެއްގައި ބަނގުރާ ކައްކަން ތިބި ބަޔަކު ހައްޔަރުކޮށްފި
ތައިލޭންޑު އަންހެނަަކަށް އޭނާގެ ސްޕޮންސާ އަނިޔާކުރި މައްސަލައެއް ބަލަނީ
ޗުއްޓީ އަށް އައިސް އުޅުނު ޖަޕާނުގެ މަޖިލިސް މެމްބަރަކު ރާއްޖޭގައި މަރުވެއްޖެ
ވައްކަން ކޮށްގެން ގޭބަންދުގައި ހުރި މީހަކު ވައްކަމުގެ މައްސަލައެއްގައި ހައްޔަރުކޮށްފި
އަނިޔާވީ ލައިސަންސް ހިފަހައްޓާފައިވާ މީހަކަށް؛ ކާރު ދުއްވި ފުލުސް މީހާގެ އިހުމާލެއްވޭތޯ