ރައީސުލްޖުމްހޫރިއްޔާއަށް ލިބިވަޑައިގަންނަވާ ބާރުގެ ދަށުން އައްޔަންކުރައްޗާ ސިޔާސީ މުވައްޒަފުންގެ މައުލޫމާތާއި ސިޔާސީ މުވައަޒަފުންގެ ޖުމްލަ އަދަދަކީ ފިނޭންސް މިނިސްޓްރީ ބަލަހައްޓާ މައުލޫމާތުތަކެއްްނޫން ކަމަށް އެ މިނިސްޓްރީން ބުނެފި އެވެ.
ފިނޭންސް މިނިސްޓްރީން އެގޮތަށް ބުނީ މައުލޫމާތު ހޯދައި ލިބިގަތުމުގެ ގާނޫނުގެ ދަށުން ސިޔާސީ މުވައްޒަފުންގެ މައުލޫމާތާއި ޖުމްލަ އަދަދު ހޯދުމަށް ”މިހާޜު“ ނޫހުން ހުށަހެޅި އާރްޓީއައިގެ ޖަވާބުގަ އެވެ.
ފިނޭންސުން ބުނީ ސިޔާސީ މަގާމުތަކަށް އައްޔަންކުރާ މުވައްޒަފުންގެ އަދަދާއި އެ މުވައްޒަފުންގެ ވަނަވަރާއި އަދި މުވައްޒަފުންނާ ގުޅޭ އެއްވެސް މައުލޫމާތެއް އެ މިނިސްޓްރީން ރެކޯޑްކޮށް، ބަލަހައްޓަމުން ނުދާ ކަމަށެވެ. ވަކިވަކި މިނިސްޓްރީތަކުގައި އަދި އިދާރާތަކުގައި ތިބި ސިޔާސީ މުވައްޒަފުންގެ މުސާރައިގެ ކަންކަމަކީ އެ މިނިސްޓްރީއަކުން ނުވަތަ އިދާރާއަކުން ބަލަހައްޓާ ކަންކަން ކަމަށް ފިނޭންސް މިނިސްޓްރީގެ ޖަވާބުގައި ވެ އެވެ.
ނަމަވެސް ރައީސް އޮފީހުގައި މީގެކުރިން ބޭއްވި ނޫސްވެރިންގެ ބައްދަލުވުމެއްގައި ފިނޭންސް މިނިސްޓަރުގެ މަގާމުގައި ކުރިން ހުންނެވި މުހައްމަދު ޝަފީގު ވިދާޅުވެފައިވަނީ ސިޔާސީ މުވައްޒަފުންގެ ޖުމުލަ އަދަދާ ގުޅޭ މައުލޫމާތުތައް އެ މިނިސްޓްރީގައި ހުންނާނެ ކަމަށެވެ.
އެ މައުލޫމާތުތައް ދެއްވާނެ ކަމަށް ޝަފީގު އޭރު ވިދާޅުވިޔަސް އޭނާ އިސްތިއުފާ ދެއްވުމާ ހަމައަށް އެކަމެއް ނުކުރައްވަ އެވެ.
12 Comments
ގުޅުންހުރި
ސައުދީ ފަންޑުން 385 މިލިއަން ނަގައިގެން 400 ފްލެޓް ހަދަނީ
ވީއައިއޭ މަޝްރޫއުއަށް ސައުދީ ފަންޑުން އިތުރު 17 މިލިއަން ޑޮލަރުގެ ލޯނެއް
އެންސްޕާ އިން ކުރި ހަރަދު އިތުރުވެއްޖެ، އެކަމަކު ތެރަޕީ ފައިސާކޮޅު ނުލިބި
ސަރުކާރުން ހަރަދު ކުޑަކޮށް، 1.3 ބިލިއަން ރުފިޔާ ސަލާމަތްކޮށްފި!
ފަހު 10 ގައި މަސައްކަތައް ނުކުންނަ ސަރުކާރު މުވައްޒަފުންނަށް ހާޒިރީ އެލެވެންސް
މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ, ފިނޭންސްގެ ދަށަށް