އުމްރާ މީހުން ގެންދިޔުމުގެ އުސޫލާ ހިލާފުވި 19 ކުންފުންޏެއް 5،000 ރުފިޔާއިން ޖޫރިމަނާކޮށްފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޝަހީމު މިއަދު ނޫސްވެރިންނާ ހިއްސާކުރެއްވި މެސެޖެއްގައި ވިދާޅުވީ އުމްރާން މީހުން ގެންދިއުމަށް އިސްލާމިކް މިނިސްޓްރީން ދީފައިވާ ރާސްމީ ލައިސަންސް ދައްކައިގެން އުމްރާއަށް ފުރަން ކަމަށް ހަދައިގެން އެމްއެމްއޭއިން ޑޮލަރު ނަގައި އުމްރާއަށް ނުދިޔަ ކުންފުންޏެއް ވެސް ފާހަގަކުރެވިފައިވާ ކަމަށެވެ. އެހެންވެ އެ ކުންފުނީގެ މައްސަލަ އިތުރަށް ބަލައި އެކަން ސާބިތުވެއްޖެނަމަ އެ ކުންފުނި 30،000 ރުފިޔާއިން ޖޫރިމަނާކޮށް ހުއްދަ ހިފަހައްޓައި މައްސަލަ ތަހުގީގުކުރަން ފުލުހަށް ފޮނުވާނެ ކަމަށް ޝަހީމް ވިދާޅުވިއެވެ.
އެއީ އެމްއެމްއޭއިން ޑޮލަރު ދޫކުރަނީ އުމްރާއަށް ފުރުމުގެ ޓިކެޓާއި ޑޮކިއުމެންޓްސް ހުށަހެޅުމުން ކަމަށްވާތީ އެ ކުންފުނިން ޑޮލަރު ހޯދަން އެމްއެމްއޭއަށް ހުށަހެޅީ ވަގު ލިޔުންތަކެއް ކަމަށް ތުހުމަތުކުރެވޭތީ ކަމަށް ޝަހީމް ވިދާޅުވިއެވެ.
މީގެ އިތުރުން ޝަހީމް ވިދާޅުވީ އުމްރާއަށް މީހުން ގެންދިއުމުގައި އަމަލުކުރަން ގެޒެޓް ކޮށްފައިވާ އުސޫލާ އަމަލު ނުކުރާ ހުރިހާ ކުންފުންޏަކާމެދު ފިޔަވަޅު އަޅާނެ ކަމަށެވެ.
8 Comments
ގުޅުންހުރި
ދިވެހި ހައްޖުވެރިންގެ ފުރަތަމަ ގްރޫޕް ފުރައިފި
މައްކާ ރޫޓްގައި ރާއްޖެ ހިމެނުމުން އެނގެނީ ދެ ގައުމުގެ ދެމެދު އޮތް
ދިވެހި ހައްޖުވެރިންނަށް ސައުދީގައި ހާއްސަ ކްލިނިކެއް ގާއިމުކޮށްފި
މިދިޔަ އަހަރު ކިޔާފައިވާ ހުތުބާތަކުގެ އިނގިރޭސި ތަރުޖަމާ ނެރެފި
އަދާލަތު ޕާޓީއަށް ޝަހީމް ސޮއިކުރައްވައިފި
އަދާލަތުގެ ރައީސްގެ މަގާމަށް ޝަހީމަށް ވާދަކުރެވޭނީ ކެބިނެޓުން އިސްތިއުފ ދިނުމަށްފަހު: އިމްރާން