ތެލެސީމިއާ ސެންޓަރުގެ ހާލަތު އެހާ ގޯސްވެފައިވާ ކަމާއި މިހާތަނަށް އެއްވެސް ވަރެއްގެ ކުރިއެރުމެއް ނުލިބި އޮތްކަން މިއަދާ ހަމަޔަށް އެނގިވަޑައި ނުގަންނަވާ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ތެލެސީމިއާ ސެންޓަރުން ފޯރުކޮށްދޭ ހިދުމަތްތައް އެކަށީގެންވާ ގޮތެއްގައި ފޯރުކޮށް ނުދެވޭތީ ތެލެސީމިއާ ބަލީގެ މީހުންނާއި އެ މީހުންގެ އާއިލާގެ މެންބަރުން އެ ސެންޓަރުންގެ ވެރިންގެ އިސްތިއުފާއަށް ގޮވާލައި ރޭ މުޒާހަރާ ކުރުމުން ރައީސް މިއަދު ވަނީ އެ ސެންޓަރުގެ ހާލަތު ބައްލަވާލައްވަން ވަޑައިގެންފަ އެވެ.
އެއަށްފަހު ރައީސް އޮފީހުގެ މީޑިއާ މެދުވެރިކޮށް ރައީސް ދެއްވި މެސެޖެއްގައި ވިދާޅުވީ ތެލެސީމިއާ ސެންޓަރަށް ކުރެއްވި ޒިޔާރަތުގައި އެތަނުގެ ކަންކަން ވަރަށް ތަފުސީލުކޮށް ބައްލަވައި، ތަނުގެ މުވައްޒަފުންނާއި ބައްދަލުކޮށް ތަނުގެ ހާލަތުވެސް ބައްލަވާފައިވާ ކަމަށެވެ.
އަދި ތެލެސީމިއާ ކުދިންނަށް ދިމާވާ ދަތިތައް ހައްލުކުރެވޭނެ ގޮތްތަކެއް ވަގުތުން ހޯދުމަށްޓަކައި ބައްދަލުވުމެއް ބާއްވައި ކަންކަން ކުރިއަށް ގެންދަންވީ ގޮތުގެ އިރުޝާދު ކަމާބެހޭ ފަރާތްތަކަށް ދެއްވާފައިވާ ކަމަށްވެސް ރައީސް ވިދާޅުވި އެވެ.
”މި ގޮތަށް މިކަންކަން އޮތްކަން އަދި މި ހާހިސާބަށް އައި އިރުވެސް ކުރިއެރުމެއް ނާންނަކަން އަޅުގަނޑަށް ނޭންގި އޮތީ، ދެން ގައިމުވެސް ސަރުކާރުގެ އެކިއެކި ފަރާތްތަކާ ތެލަސީމިއާ ކަންތައްތަކުގައި އުޅޭ ފަރާތްތަކުން ބައްދަލުކުރައްވާފައިވޭ. މީގެ ކުރިން މިދިޔަ އަހަރެއްހާ ދުވަސްތެރޭގައި ދެތިން ފަހަރުމަތިން ހަމަ އެކިއެކި ބޭފުޅުންނާ ބައްދަލުކޮށް ހަމަ މައުލޫމާތު ހިއްސާކޮށްފައިވާކަން އަޅުގަނޑަށް އެނގޭ، މިއަދު ބަލައިލީ އިރު ލިޔެކިޔުންތަކެއް އެކަން ސާފުވޭ، ނަމަވެސް އަމަލީ ސިފަ ނުގެނެވި މިއޮތީ،“ ރައީސް ވިދާޅުވި އެވެ.
ރައީސް ވިދާޅުވީ، ކުރިއަށް އޮތް ތަނުގައި ތެލެސީމިއާ ކުދިންނަށް ދިމާވާ ކަންކަން ހައްލުކުރުމުގެ ކަންކަން ކުރިއަށް ގެންދާނީ ސީދާ އެ މަނިކުފާނުގެ ބެއްލެވުމުގެ ދަށުން ކަމަށެވެ. އަދި ފައިސާ ހަމަނުޖެހިގެން ކަމެއް ހައްލުނުވެ އޮވެގެން ނުވާނެކަން އެ މަނިކުފާނު ޔަގީންކުރައްވާނެ ކަމަށްވެސް ވިދާޅުވި އެވެ.
61 Comments
ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު