އެމެރިކާއަށް އެތެރެކުރާ މުދަލުން ނަގާ ޑިއުޓީ ބޮޑުކުރި ތަންތަނުގެ ލިސްޓުގައި އެންޓާކްޓިކާ ކައިރީގައި އޮންނަ އަލިފާން ފަރުބަނދަތައް ހިމެނޭ ފަޅު ރަށްތައްވެސް ހިމަނާފައިވާތީ ގިނަ ބަޔަކު އެކަމަށް ޖޯކު ޖަހަން ފަށައިފި އެވެ.
ޓްރަމްޕްގެ ރިޔާސީ ވައުދު ފުއްދެވުމުގެ ގޮތުން އިއްޔެ ވައިޓް ހައުސްގައި ހާއްސަ ރަސްމިއްޔާތެއް ބާއްވައި އޭނާ ވަނީ ރިޔާސީ އޯޑަރެއްގައި ސޮއިކޮށްފަ އެވެ. އެ އޯޑަރުގައިވާ ގޮތުން މާދަމާ އިން ފެށިގެން އެމެރިކާއަށް ބޭރުގެ ހުރިހާ ގައުމަކުން އެތެރެކުރާ މުދަލުން މަދުވެގެން 10 ޕަސެންޓުން ޑިއުޓީ ބޮޑުވާނެ އެވެ. ނަމަވެސް އެމެރިކާއާ މެދު ވިޔަފާރީގެ ގޮތުން ނާއިންސާފުން އަމަލުކުރާ ކަމަށް ބުނާ ގައުމުތަކުން ނަގާ ޑިއުޓީ ވަނީ ދެގުނަ ބޮޑުކޮށްފަ އެވެ. އަދި އެ ގައުމުތަކުގެ ލިސްޓެއްވެސް ވަނީ ނެރެފަ އެވެ.
ޓްރަމްޕް ނެރުނު ލިސްޓުގައި ދުނިޔޭގައި އެންމެ އެކަހެރިކޮށް އޮންނަ ރަށްތަކުގެ ތެރޭގައި ހިމެނޭ ހާޑް އައިލެންޑާއި މެޑޮނަލްޑް އައިލެންޑްސް ވެސް ހިމެނެ އެވެ. އެ ދެ ފަޅުރަށަށް ދެވޭނީ އޮސްޓްރޭލިއާގެ ހުޅަނގު އައްސޭރީގައި އޮންނަ ޕާތް އިން ބޯޓެއްގައި ފުރައިގެން ދެ ހަފުތާގެ ދަތުރެއްކޮށްފަ އެވެ. އެތަނަކީ ޕެންގުއިން ގިނަ އަދަދަކަށް އުޅޭ ރަށްތަކެކެވެ.
އެ ދެ ރަށްވެސް ޓްރަމްޕުގެ ލިސްޓުގައި ހިމަނާފައިވާތީ އޮސްޓްރޭލިއާގެ ބޮޑުވަޒީރު އެންތަނީ އެލްބަނީސް ވަނީ މިހާރު ދުނިޔޭގެ އެއްވެސް ތަނެއް ރައްކާތެރި ނޫން ކަމަށް ބުނެ، ޓްރަމްޕަށް ފާޑުވިދާޅުވެފަ އެވެ.

ގުޅުންހުރި
ތަފާތު ކުޅުމެއް ދައްކައި ޓީއެފްޓީން ޓީސީ ބަލިކޮށްފި, އެލްޓީ ކަޓުވާލައި ލޮރެންޒޯ
ގަދަ ހިފުމުގައި ބީޖީ ކަޓުވާލުމަށްފަހު އެންމެ ފަހުގެ ރަނަރަޕް ސީކޭ ސެމީއަށް
ސިޓީ ދޫކޮށްލަން ޑި ބްރޭނާ ނިންމައިފި
ދަރިފުޅަށް އަހަރެއް ވަންދެން އަނިޔާދީ މަރާލުމަށްފަހު ހަށިގަނޑު އަންދާލި މަންމަ ޖަލަށް
އިލްމު އުނގެނޭށެވެ. އެހެނީ މަރުވުމަށްފަހުވެސް އުނގެނި، އަނެކާއަށް ފޯރުކޮށްދިން އިލްމުގެ ފައިދާ
”ބައްޕާއޭ، ދޮންބެގެ އަތުން ދޫވީއޭ، ސަލާމަތްކުރަން ވަރަށް މަސައްކަތް ކުރީމޭ“