އެމެރިކާގައި ހިމަބިއްސަށް ޕޮޒިޓިވްވި މީހުންގެ އަދަދު 884 އަށް އަރާފައިވާ ކަމަށް އެމެރިކާގެ ސެންޓާ ފޯ ޑިޒީޒް ކޮންޓްރޯލް އެންޑް ޕްރިވެންޝަންގެ ތަފާސް ހިސާބުތަކުން ދައްކައިފި އެވެ.
ރިޕޯޓްތައް ބުނާ ގޮތުން މިހާތަނަށް 29 ސްޓޭޓަކުން ހިމަބިހީގެ ކޭސްތައް ވަނީ ފެނިފަ އެވެ. އަދި އެ ގައުމުގެ ހަ ސްޓޭޓެއްގައި ހަލުވިކަމާއެކު އެ ބަލި ދަނީ ފަތުރެމުންނެވެ.
ޓެކްސަސްގެ ޑިޕާޓްމަންޓް އޮފް ސްޓޭޓް ހެލްތް ސާވިސަސް އިން ހާމަކޮށްފައިވާ ގޮތުގައި އެ ސްޓޭޓްގެ ހުޅަނގު ސަރަހައްދުގައި ބަލި ފެތުރެމުން އަންނައިރު، މިދިޔަ ހުކުރު ދުވަހާ ހަމައަށް 646 މީހަކު ވަނީ އެ ބައްޔަށް ޕޮޒިޓިވްވެފަ އެވެ. ޓެކްސަސްގައި ހިމަބިއްސަށް ވެކްސިން ނުޖަހާ ދެ ކުއްޖަކު އެ ބަލި ޖެހިގެން ވަނީ މަރުވެފަ އެވެ.
