މިނިވަން ދުވަސް ފާހަގަކުރަން 28 ޖުލައި ބަންދުކޮށްފި 

މިނިބވަން ދުވަސް ފާހަގަކުރުމުގެ ގޮތުން އަންނަ ޖުލައި މަހުގެ 28 ވާ ހޯމަ ދުވަހަކީ ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ހަމަޖައްސަވައިފި އެވެ.

މިނިވަން ދުވަސް ކަމަށްވާ ޖުލައި 26 މި ފަހަރު ދިމާވަނީ ހޮނިހިރު ދުވަހާކާ އެވެ. އެހެންވެ އެ ދުވަހުގެ މުނާސަބަތުގައި ބަންދު ދުވަހެއްގެ ގޮތުގައި ލިބެނީ ކަލަންޑަރުގައިވާ ގޮތުން 27 ވާ އާދިއްތަ ދުވަސް އެކަންޏެވެ.

ނަމަވެސް ރައީސް އޮފީހުން މިއަދު ބުނީ ފަހަރުގެ ޖުލައި 26 ވަނަ ދުވަހަކީ ރާއްޖޭގެ މިނިވަންކަމަށް 60 އަހަރު ފުރޭ ދުވަސް ކަމަށް ވާތީ އިތުރު ކަންކަން ކުރިއަށް ގެންދާތީ ޖުލައި 28 ވާ ހޯމަ ދުވަސް ވެސް ބަންދުކުރަން ރައީސް ނިންމެވީ ކަމަށެވެ.

އެ ނިންމުމާއެކު މިނިވަން ދުވަހުގެ މުނާސަބަތުގައި ސަރުކާރު ހަތަރު ދުވަހަށް ބަންދުވާނެ އެވެ.