ކަޅު ބާޒާރުގައި ޑޮލަރު އަގު 20 އަރައިފި

ޑޮލަރުގެ ކަޅު ބާޒާރުގައި ޑޮލަރުގެ އަގު ތިރިނުވެ ޑޮލަރެއްގެ އަގު 20 އަރައިފި އެވެ.

މޯލްޑިވްސް މަނިޓަރީ އޮތޯރިޓީއިން ކަނޑައަޅާފައިވާ ޑޮލަރުގެ ރަސްމީ ރޭޓަކީ 15.22 ރުފިޔާ އެވެ. ނަމަވެސް އެ ރޭޓަށް ވިޔަފާރިވެރިންނާއި އާންމުން ޑޮލަރު ގަންނަން ބޭނުންވާ ވަރަށް ޑޮލަރު ނުލިބުމުގެ ސަބަބުން ގަންނަން ޖެހެނީ ކަޅު ބާޒާރުންނެވެ.

ކަޅު ބާޒާރުގައި މިއަދު ޑޮލަރެއްގެ އަގު ހުރީ 20 ރުފިޔާއަށެވެ.

ޑޮލަރެއްގެ އަގު 19 ރުފިޔާއަށް ވުރެ މަތީގައި ހުންނަތާ މިހާރު މަހެއްހާ ދުވަސްވެއްޖެ އެވެ.

މިދިޔަ މަހު ފަހުކޮޅު ވެސް ޑޮލަރެއްގެ އަގު ހުރީ 19.50 ރުފިޔާއާއި 19 ރުފިޔާއާ ދެމެދުގައެވެ. އަދި، އޭގެ ފަހުން މި މަހު ޑޮލަރެއްގެ އަގު ވަނީ 19.50 ރުފިޔާއާއި 19.80 ރުފިޔާއާ ހަމައަށް އުފުލިފައެވެ.