އއ. މާޅޮހުގައި ހަމަލާދީ, އެ ރަށު އޯކިޑްމާގޭ, އަބްދުއްރަހުމާން އާދަމް މަރާލީ ބޮލަށް ހަމަލާދީގެން ކަމަށް މައުލޫމާތު ލިބިއްޖެ އެވެ.
އަބްދުއްރަހުމާން އާދަމް މަރުވީ ގޭގައި ނިދާފައި އޮއްވައި ޒަހަމްތަކަކާއެކު ފެނިގެން ރޭ ދަންވަރު އެ ރަށު ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށެވެ.
މައުލޫމާތު ލިބިފައިވާ ގޮތުގައި އަބްދުއްރަހުމާން އާއެކު ގޭގައި އުޅެނީ އޭނާގެ އަންހެނުން އެކަންޏެވެ. އަބްދުއްރަހުމާނަށް ބޮޑެތި އަނިޔާތަކެއް ދީފައި އޮތްތަން ފެނިގެން އެކަން ސިއްހީ މަރުކަޒަށް އެންގީ އޭނާގެ އަންހެނުންނެވެ. އެކަން ފުލުހުންނަށް ރިޕޯޓް ކުރީ ރޭ ދަންވަރު 1:50ގައެވެ.
މާޅޮހުން ވާހަކަ ދެއްކި މީހަކު ބުނި ގޮތުގައި އެ ހަމަލާގައި އަބްދުއްރަހުމާނުގެ ބޮލަށް ބޮޑެތި އަނިޔާތަކެއް ލިބިފައިވެ އެވެ. އެގޮތުން އޭނާގެ ސިކުނޑީގެ ބައެއް ފެންނާން އޮތް ކަމަށާއި އެނދުމަތީގައި ގިނަ އަދަދެއްގެ ލޭވެސް ހުރި ކަމަށްވެ އެވެ.
މި މަރާ ގުޅިގެން ފުލުހުންގެ ހާއްސަ ޓީމެއް މާޅޮހުގައި ހަރަކާތްތެރިވަމުން އަންނައިރު އެ ރަށުން ހުއްދަ ނެތި އަރައި ފޭބުން ވަނީ މަނާކޮށްފަ އެވެ.
3 Comments
ގުޅުންހުރި
ފަހި ފްލެޓުތަކުގެ ޑިޕޮސިޓަށް ދެއްކި ފައިސާ ކުލިން އުނިކުރަން ނިންމައިފި
ހަންގަނޑު އުޖާލާކޮށްދިނުމުގެ އިތުރުން އަލަނާސިން އަންހެނުންނަށް ވަކި ފައިދާއެއް ލިބޭތަ.؟
މަރުވެފައި އޮއްވައި ފެނުނީ ލޯންޗަކަށް އަރަން އުޅެނިކޮށް ވެއްޓުނު ކަނޑަށް ވެއްޓުނު
ޓްރެފިކް ގަވާއިދުތަކަށް އަމަލުކުރުން ވާޖިބު، ދީނުގައި ގެއްލުންދިނުމެއް ނެތް: ހުތުބާ
ފަހި ފުލެޓުތަކުގެ މަހު ކުއްޔާއި ޑިޕޮސިޓަށް ގެނައި ބަދަލުތައް އާންމުކޮށްފި
ރައީސް އާދީއްތަ ދުވަހުގެ ރޭ ހުޅުމާލެ ފޭސް އެކެއްގެ ރައްޔިތުންނާ ބައްދަލުކުރައްވަނީ