މާލޭގައި ރޭ ހިނގި ނުރައްކާތެރި އެކްސިޑެންޓުގައި އަނިޔާވި، ދުވަން ނުކުމެ އުޅުނު މީހާއަށް ފަރުވާދެމުން ދަނީ ވެންޓިލޭޓަރަށް ލައިގެން އައިސީޔޫގައި ކަމަށް އައިޖީއެމްއެޗް އިން ބުނެފި އެވެ.
ބޮޑުތަކުރުފާނު މަގު މާފަންނު ބަސް ޓާމިނަލް ކައިރީ އޮންނަ ޒިބްރާ ކްރޮސް އިން ހުރަސް ކުރަން މަސައްކަތް ކުރަނިކޮށް ސައިކަލަކުން ޖެހި އަނިޔާވީ ބ. ތުޅާދޫއަށް ނިސްބަތްވާ އިބްރާހިމް ސިރާޖް، 40، އަށެވެ.
އަދަދު އަށް އެނގިފައިވާ ގޮތުގައި ސިރާޖުގެ ބޯ ފެޅުމުގެ އިތުރުން މޫނުގެ ބައެއް ކަށިތަކާއި ބައެއް މޭކަށިތައް ވަނީ ބިނދިފަ އެވެ. އޭނާގެ ހާލު ސީރިއަސް ކަމަށް ފުލުހުން ބުނެ އެވެ.
ސިރާޖުގެ ގައިގައި ޖެހުނު ސައިކަލު ދުއްވަން އިން ޔޫސުފް އަލްސަން މުހައްމަދު، 17، ވަނީ ރޭ ނިޔާވެފަ އެވެ. އެ ސައިކަލުގެ ފަހަތުގައި އިން އުމުރުން 16 އަހަރުގެ ކުއްޖާއަށް މިވަގުތު ފަރުވާދެނީ އައިޖީއެމްއެޗުގެ ވޯޑެއްގައި ކަމަށް އެ ހޮސްޕިޓަލުން ބުންޏެވެ.
ގުޅުންހުރި
ވަގު ސްލިޕު ފޮނުވި ދެމަފިރިން ބަންދުގައި ބޭތިއްބުމަށް ނުފެންނާތީ ދޫކޮށްލައިފި
އަޅުގަނޑާ ވާދަކުރަން ކެރޭވަރުގެ ސިޔާސީ ލީޑަރެއް ރާއްޖޭގައި ނެތް: ޔާމީން
އެކްސިޑެންޓްގައި މަރުވީ ތޭރަވާއާއި އަޝްފާގެ ދަރިފުޅު!
ނުރައްކާތެރި އެކްސިޑެންޓެއް، އެކަކު މަރުވެ ދެ މީހެއްގެ ހާލު ސީރިއަސް
އަބްދުއްރަހުމާންގެ ހަށިގަނޑުގެ އޮޓޮޕްސީ ހަދަން މާލެ ގެނެސްފި
އާންމުން ނުކުމެ ސްކޭމްގެ މައްސަލަތަކެއްގައި ހިމެނޭ މީހަކު ހޯދައި ފުލުހުންނާ ހަވާލުކޮށްފި