ތިން ބޯޓަކުން 4،720 ބަސްތާ ފިޔާ ބާލައިފި: އެމްޕީއެލް

މޫސުން ގޯސްވެ، ޕެރިޝަބަލް މުދާ ބޭލުމުގައި ދަތިތައް ކުރިމަތިވި ނަމަވެސް މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ކާގޯ އޮޕަރޭޝަންސުން އިއްޔެ އާއި ރޭ ކުރި މަސައްކަތުން ތިން ބޯޓަކުން މުދާ ބާލައި ހުސްކޮށްފައިވާ ކަމަށް އެމްޕީއެލްއިން ބުނެފި އެވެ.

އެމްޕީއެލް އިން މިއަދު ބުނީ މުދާ ބޭލި ތިން ބޯޓުގައި 4،720 ބަސްތާ ފިޔާ ހިމެނޭ ކަމަށެވެ.

މާލޭ ވިޔަފާރި ބަނދަރަށް އިއްޔެ އަައި ބޯޓުން މުދާ ބޭލުމުގެ މަސައްކަތް މޫސުން ތަންދޭ މިންވަރަކުން މިއަދު ކުރިއަށް ގެންދާނެ ކަމަށް ވެސް އެމްޕީއެލްއިން ބުންޏެވެ.

އެ ބޯޓުން ގެނައި ޕެރިޝަބަލްސްގެ ތެރޭގައި 3840 ބަސްތާ ފިޔާ ހިމެނޭ ކަމަށް އެމްޕީއެލްއިން ބުންޏެވެ.

ބާޒާރުގެ ވަރަށް ގިނަ ފިހާރަތަކުން މިހާރު ވަނީ ފިޔާ ހުސްވެފައެވެ. އަދި ބައެއް ފިހާރަތަކުގައި ފިޔާގެ އަގު ވަރަށް ބޮޑު ތަނުން ވަނީ އުފުލިފަ އެވެ.