ފުލުހުންނަށް މީހެއްގެ އަމަލު ހުރިގޮތުން އެ މީހާއާ މެދު ޝައްކުވެގެން ހުއްޓުވައި ކާކުކަން އަންގައިދިނުމަށް އެދުމުން ނުބައި ނަމެއް ދިން މީހަކު ހަތަރު މަހަށް ޖަލަށްލުމަށް ކުރިމިނަލް ކޯޓުން އިއްޔެ ހުކުމްކޮށްފި އެވެ.
ކާކުކަން ބުނެދޭން އެދުމުން ފުލުހުންނަށް ނުބައި ނަމެއް ދީ ފުލުހުންނަށް އޮޅުވާލީ އިބްރާހިމް އަގީލް ނަމަކަށް ކިޔާ މީހެކެވެ. އިބްރާހިމް އަގްލީމް ހުއްޓުވައި ފުލުހުން ސުވާލުކުރުމުން ބުނީ އޭނާއަށް ކިޔަނީ މުހައްމަދު އަގްލީމް ކަމަށެވެ. ވައްކަން ކޮށްގެން ފިލަން އުޅުމުގެ ތުހުމަތުގައި އިބްރާހިމް އަގްލީމް ހައްޔަރުކޮށް ބެލި ބެލުމުން އޭނާއަކީ އިބްރާހިމް އަގްލީމްކަން ފުލުހުންނަށް އެނގުނީ ގަލޮޅު ޕޮލިސް ސްޓޭޝަނަށް ހާޒިރު ކުރުމުންނެވެ.
އެ މައްސަލައިގައި ދައުލަތުން އޭނާގެ މައްޗަށްކުރީ ޝަހުޝު އޮޅުވާލުމުގެ ކުށުގެ ދައުވާއެވެ.
އެ ދައުވާއަށް އަގީލް ވަނީ އިއުތިރާފުވެފަ އެވެ. އެހެންވެ ކުރިމިނަލް ކޯޓުން ވަނީ އޭނާ ހަތަރު މަހާއި 24 ދުވަހަށް ޖަލަށްލުމަށް ހުކުމްކޮށްފަ އެވެ.
ނަމަވެސް އޭނާ ބަންދުގައި ހުރި މުއްދަތަށް އުނި ކުރުމަށްފަހު ހުކުމް ތަންފީޒުކުރަން ޖެހޭނީ ހަތަރު މަހާއި ހަތަރު ދުވަހެވެ.
1 Comment
ގުޅުންހުރި
އަސާސީ ކާބޯތަކެތީގެ ލިސްޓަށް އިތުރުކުރި 23 ބާވަތް އެސްޓީއޯ އިން ބާޒާރަށް
ދެ ކޮންޓެއިނަރު ސިނގިރޭޓު ”ގެއްލުން“: އާއްޓޭގެ ބަންދަށް 15، ދިގަލީގެ ބަންދަށް
އެމްއޭސީއެލް އިންވެސް ރަސްމާލެ ހިއްކަން ފަށަނީ, މިއީ އެތަން ހިއްކަން ހަވާލުވާ
ވަޒީފާ ދިން ފަރާތަށް ފިލައިގެން އުޅޭ 5 މީހަކާއި ބިދޭސީން ރެކްރޫޓްކުރާ
މައުންޓް ލެވޮޓޮބީ ލަކި-ލަކި އަނެއްކާވެސް ގޮވައިފި, އަޅިތައް 10 ކިލޯމީޓަރު އުހަށް
ދަތުރު ކުރަމުންދިޔަ ބަހެއްގައި ރޯވެ 20 މީހަކު ފިހިގެން މަރުވެއްޖެ