އެމެރިކާ އިން ކިތަންމެ ބޭނުންވި ނަމަވެސް އީރާނުން އެމެރިކާއަށް ކިޔަމަންތެރި ނުކުރެވޭނެ ކަމަށް އީރާނުގެ ސްޕްރީމް ލީޑަރު އާޔަތުﷲ ހަމާނާއީ ވިދާޅުވެއްޖެ އެވެ.
އީރާނުގެ ވެރިރަށް ތެހެރާންގެ ދީނީ ހަރަކާތެއްގައި ވާހަކަދައްކަވަމުން އާޔަތުالله ވިދާޅުވީ އެމެރިކާ އިން އިސްލާމީ އުންމަތް އެ މީހުންގެ ބާރުގެ ދަށަށް ގެންދިއުމަށް މަސައްކަތް ކުރާ ކަމަށެވެ.
”އެމެރިކާ އިން ބޭނުންވަނީ އީރާނުން އެ މީހުންނަށް ކިޔަމަންތެރިވާން. އެފަދަ ހުރިހާ ގޯސް އުއްމީދުތަކަށް އީރާނުގެ ހުރިހާ ބާރަކާއެކު ތެދުވާނަން،“ އާޔަތުالله ވިދާޅުވި އެވެ.
އާޔަތުالله މިހެން ވިދާޅުވި އިރު، އީރާނުން ވަނީ އެމެރިކާ އާއެކު ނިއުކްލިއާ މަޝްވަރާތައް ހުއްޓާލައިފަ އެވެ. އެ މަޝްވަރާތައް ހުއްޓާލީ މިދިޔަ ޖޫން މަހު އީރާނާއި އިޒްރޭލާ ދެމެދު ކުރިއަށް ގެންދިޔަ 12 ދުވަހުގެ ހަނގުރާމައިގައި އީރާނުގެ ނިއުކްލިއާ ސައިޓްތަކަށް އެމެރިކާ އާއި އިޒްރޭލުން ބޮން އެޅުމުންނެވެ.
އާޔަތުالله ވިދާޅުވީ، އެ ހަނގުރާމައިގެ ތެރޭގައި އެމެރިކާގެ އެޖެންޓުން ޔޫރަޕަށް ގޮސް ހަނގުރާމަ ނިމުމަށްފަހު އީރާނުގައި ވެރިކަން ކުރާނީ ކޮން ގައުމަކުންތޯ މަޝްވަރާ ކޮށްފައިވާ ކަމަށެވެ.
8 Comments
ގުޅުންހުރި
ޖިންސީ ފުރައްސާރަކުރިކަން ސާބިތުވުމުން، ފެރިދޫ ކައުންސިލްގެ ރައީސް ސަސްޕެންޑްކޮށްފި
ނުރައްކާތެރިކޮށް ވެހިކަލް ދުއްވާނަމަ 20 އަހަރަށް ޖަލަށްލެވޭ ގޮތް ހަދަނީ
ކައުންސިލްތަކުގެ ސައިޒް ކުޑަކުރުމަށް މަޖިލީހުން ފާސްކޮށްފި
އަނބިމީހާއަށް 15،000 ރުފިޔާ ދޭންޖެހޭ، އަތަކު އެކައްޗެއް ވެސް ނޯވޭ: އައްބާސް
ނައިބު ރައީސުންގެ އިނާޔަތަށް ޝަރުތު ހަމަވަނީ ފައިސަލް އެކަނި
ކުރީގެ ނައިބު ރައީސުންނަށް މަހަކު 25,000ރ. އިނާޔަތެއް ދޭން ސަރުކާރުގެ ފަރާތުން