މީޑިއާގެ ކަންކަން ބެލެހެއްޓުމުގެ ޒިންމާ މިހާރު އަދާކުރާ ކޮމިޝަންތަންތަކާއި މަސްލަހަތުވެރިންނާ މަޝްވަރާކުރުމެއް ނެތި އަދި ދިރާސާ ވެސް ނުކޮށް ސަރުކާރުން މީޑިއާ ކޮންޓްރޯލް ކުރާ ބިލް މަޖިލީހަށް ހުށަހެޅުމުން މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)އިން މިއަދު ކަންބޮޑުވުން ފާޅުކޮށްފި އެވެ.
ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމިޓީގައި ވާހަކަދައްކަވަމުން ބްރޯޑްކޮމްގެ ސަފާ ޝަފީގް ވިދާޅުވީ އެ ބިލަކީ ގައުމީ ފެންވަރުގައި މަޝްވަރާ ހޯދަންޖެހޭ ބިލެއް ކަމަށެވެ. ނަމަވެސް އެ ބިލު ހުށަހަޅާފައިވަނީ ސަރުކާރުން ކަންކަމާ މަޝްވަރާ ކުރުމުގެ ސިޔާސަތާ މުޅިން ދެކޮޅަށް ކަމަށެވެ.
ބިލު އޮތް ގޮތުން އެ ބިލު ތަންފީޒު ނުކުރެވޭނެ ކަމަށް ސަފާ ވިދާޅުވި އެވެ.
”ގާނޫނަކަށް ވަކި ވެގެނެއް ތަންފީޒެއް ނުއެއް ކުރެވޭނެ ކަންކަން ހުރި ގޮތުން،“ ސަފާ ވިދާޅުވި އެވެ.
ސަފާ ވިދާޅުވީ އެފަދަ ބިލެއް ގާނޫނަކަށް ވެގެން އަންނައިރު ތަންފީޒު ކުރާނެ ބަޖެޓެއް ވެސް ނެތް ކަމަށެވެ.
”މުވައްޒަފުންގެ މުސާރަދީ ދީ ހަދާފައި ކަމެއް ކުރަން މީޑިއާ ކުރިއަރުވަން ވެސް މި އޮންނަނީ 400،000 އެއްހާ ރުފިޔާ،“ ސަފާ ވިދާޅުވި އެވެ.
ކޮމިޝަންގެ މެންބަރު މޫސާ ރިލްވާން ވިދާޅުވީ ބިލް އޮތް ގޮތުން އިދާރީ ފިޔަވަޅެއްގެ ގޮތުން ލައިސަންސް ހިފެހެއްޓޭއިރު އެކަން ކުރުމުގެ ސަބަބުން މީޑިއާތަކެއް އެކީ މަރުވެގެން ދިޔުމުގެ ފުރުސަތު އޮތް ކަމަށެވެ.
”މީޑިއާތައް މަރުވެގެން ދާގޮތަކަށް ނޫން މިކަން ކުރަން ޖެހޭނޭ ނުޖެހޭނެ“
ގުޅުންހުރި
ނޫސްވެރިން އުލުބައިންދަން ފަލާހު ވިދާޅުވި މައްސަލަ ތަހުގީގުކުރަން ޕީޖީގެ ލަފާ ހޯދަނީ
މީޑިއާ ކޮންޓްރޯލް ބިލު ބޭރުނުކުރާނެކަމަށް އުޝާމް ވިދާޅުވުމުން ބައްދަލުވުމުން ނޫސްވެރިންތަކެއް ނިކުމެއްޖެ
މުޒާހަރާއިން ހައްޔަރުކުރި ނޫސްވެރިން ދޫކޮށްލައިފި
ނޫސްވެރިން އިހުތިޖާޖު ކުރަމުން ދަނިކޮށް މީޑިއާތަކަށް ދޭ މާލީ އެހީތެރިކަމަށް ކުރިމަތިލުމަށް
2026 އަށް މަޖިލީހަށް ބަޖެޓް ކަނޑައެޅުމުގެ ބައްދަލުވުން ސިއްރުކޮށްފި
އަޒާން އަލުން 241 ކޮމިޓީ އާއި މާލިއްޔަތު ކޮމެޓީއަށް އައްޔަން ކުރައްވައިފި