ލ. އަތޮޅުން ފުރައިގެން ހުވަދޫ އަތޮޅަށް ދަތުރުކުރި ބޯޓެއް ގެއްލިގެން ހޯދަނީ

ލ. އަތޮޅުން ފުުރައިގެން ހުވަދޫ އަތޮޅަށް ދަތުރުކުރި ބޯޓެއް ހަބަރެއް ނުވެގެން ހޯދަން ފަށައިފި އެވެ.

އެމްއެންޑީއެފް އިން ބުނީ، ގެއްލިގެން ހޯދަމުން ދަނީ ރޭ 10:00 ހާއިރު ލ. އަތޮޅުން ފުރި ”ކޮލަމާ“ ނަމަކަށް ކިޔާ މުދާ އުފުލާ ބޯޓެއް ކަމަށެވެ. އަދި އެ ބޯޓު ހޯދުމުގެ މަސައްކަތް ކޯސްޓްގާޑުން ކުރަމުންދާ ކަމަށްވެސް ބުންޏެވެ.

އެމްއެންޑީއެފުން ވަނީ އެ ބޯޓުގެ ހަބަރެއް ލިބިއްޖެ ނަމަ 191 އަށް ގުޅައި މައުލޫމާތު ހިއްސާކުރުމަށް އެދިފަ އެވެ.

ނަމަވެސް އެ ބޯޓާ އެންމެ ފަހުން ގުޅުނީ ކޮންއިރަކު ކަމެއް އަދި އެ ބޯޓުގައި ތިބީ ކިތައް މީހުން ކަމެއް އެމްއެންޑީއެފް އިން ނުބުނެ އެވެ.