ފިހާރައެއްގެ ސޭޓަކަށް އިން އަންހެނަކަށް ތޫނު އެއްޗަކުން ހަމަލާދީ ޒަހަމްކޮށްލައިފި

ހުޅުމާލޭ ފިހާރައެއްގެ ސޭޓެއްގެ ގޮތުގައި މަސައްކަތްކުރާ ބިދޭސީ އަންހެނަކަށް ތޫނު އެއްޗަކުން ހަމަލާދީ ޒަހަމްކޮށްލައިފި އެވެ.

ފުލުހުން މިއަދު ބުނީ، ތޫނު އެއްޗަކުން ހަމަލާދީ ޒަހަމް ކޮށްލާފައިވާ މީހަކު ހުޅުމާލެ ހޮސްޕިޓަލަށް ގެންގޮސްފައިވާކަމުގެ މައުލޫމާތު މިއަދު މެންދުރު 12:45 ހާއިރު ލިބިފައިވާ ކަމަށެވެ.

އެ ހާދިސާގައި އަނިޔާވެފައިވަނީ ހުޅުމާލެ ފޭސް 1 ގައި ހުންނަ ފިހާރައެއްގައި މަސައްކަތްކުރާ ނޭޕާލްއަށް ނިސްބަތްވާ 21 އަހަރުގެ އަންހެނަކަށް ކަމަށްވެސް ފުލުހުން ބުންޏެވެ.

އޭނާއަށް ހަމަލާ ދިނީ ކީއްވެގެން ކަމެއް އަދި ހަމަލާދިން މީހާ ހައްޔަރުކުރި ކަމެއް ފުލުހުން އަދި ނުބުނެ އެވެ.