މި ސަރުކާރުން ކޮޅަށް ޖަހާފައިވާނީ ބަނގުރޫޓުކޮށްލުމަށް ޑިޒައިންކޮށްފައިވާ އިގުތިސާދެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ސަރުކާރުން ހިންގާ ގިނަ މަޝްރޫއުތަކެއް އަމިއްލަ ކުންފުނިތަކަކާ ހަވާލުކުރުމަށް މިއަދު ހެނދުނު ބޭއްވި ރަސްމިއްޔާތެއްގައި ވާހަކަފުޅުދައްކަވަމުން ރައީސް ވިދާޅުވީ މަޝްރޫއުތައް ކުންފުނިތަކާ ހަވާލުކުރެވިފައިވަނީ ގާނޫނާއި ގަވާއިދުތަކުގެ ތެރެއިން އިޖުރާއަތްތައް ފުރިހަމަކޮށްގެން ކަމަށެވެ.
ރާއްޖޭގެ އިގުތިސާދު މިހާރު ވަރަށް ރަނގަޅު މިސްރާބަކަށް ގެންދެވިފައިވާ ކަމަށާއި ފުން އަނދަވަޅައި، ޑިފޯލްޓްކުރުމަށް ޑިޒައިންކޮށްފައިވާ އިގުތިސާދެއް ކޮޅަށް ޖަހައި، މަޝްރޫއުތަކުގައި ސޮއިކުރުމާ ހަމައަށް އާދެވިފައިވާ ކަމަށެވެ. އަދި އިގުތިސާދުގައި ބުންވަރު ނެތް ނަމަ، މި ދުވަސް ނާންނާނެ ކަމަށް އެ މަނިކުފާނު ވިދާޅުވިއެވެ.
ރައީސް ވިދާޅުވީ މިއީ ރާއްޖޭގެ ތާރީހުގައި އެއްފަހަރާ އެއް ދުވަހެއްގައި އެންމެ ގިނަ އަދަދަކަށް މަޝްރޫއުތައް ހަވާލުކުރެވުނު ދުވަސް ކަމަށާއި 100 އަށްވުރެ ގިނަ ކުންފުންޏަކާ 206 މަޝްރޫއެއް މިއަދު ހަވާލުކުރެވިފައިވާ ކަމަށެވެ. އަދި އެ ކުންފުނިތަކަށް ސަރުކާރުން ދައްކަންޖެހޭ ފައިސާ ދެއްކުމަށް އެއްވެސް ލަސްކަމެއް ނާންނާނެކަމުގެ ޔަގީންކަން ވެސް އެ މަނިކުފާނު ދެއްވިއެވެ.
ކުރިއަށްއޮތް ދުވަސްތަކުގައި ވެސް އަމިއްލަ ކުންފުނިތަކަށް މަޝްރޫއުތައް ހަވާލުކުރެވޭނެ ކަމަށާއި މިއަދު ހަވާލުކުރެވުނު މަސައްކަތްތައް ދާދި އަވަހަށް ފަށައި، މަސައްކަތްތައް އަވަހަށް ނިންމާނެކަމުގެ ޔަގީންކަން އެބައޮތް ކަމަށް ރައީސް ވިދާޅުވިއެވެ.
13 Comments
ގުޅުންހުރި
ރައީސް މުއިއްޒުގެ ސްޕެޝަލް އެންވޯއީގެ މަގާމުން ރައީސް ވަހީދު އިސްތިއުފާދެއްވައިފި
ރައީސް ޖަރުމަނަށް ވަޑައިގަންނަވަނީ، ދެ ތަނެއްގައި ތަގުރީރު ކުރައްވާނެ
އެސްއީޒެޑްގައި އިންވެސްޓްކުރެވޭނެ އެންމެ ކުޑަ މިންވަރަކީ 100 މިލިއަން ޑޮލަރު
ރައީސްގެ ނަސޭހަތް: މުސްތަގުބަލަށް ގުޑުވައިނުލެވޭވަރުގެ ބިންގަލެއް އެޅޭނީ ބަސް އަހައިގެން
ރާއްޖޭގެ ތަރައްގީއަށް އިންޑިއާއިން ދޭ އެއްބާރުލުމުގެ އަގުވަޒަންކުރަން: ރައީސް
ރެޔާއި ދުވާލު މަސައްކަތްކުރާ ވެރިޔަކަށް ބޭނުންވަނީ އެއްބާރުލުން ދޭނެ ކައުންސިލަރުން: ސާޖިދާ