މޯލްޑިވްސް ހައްޖު ކޯޕަރޭޝަނުން 21 މިލިއަން ރުފިޔާއަށް ހުޅުމާލެއިން ބިމެއް ގަނެފި އެވެ.
އެޗްޑީސީން ގަނެފައިވަނީ ހުޅުމާލެ ފުރަތަމަ ފިޔަވަހިން 5,700 އަކަފޫޓުގެ ބިމެކެވެ. އެ ބިން ގަތުމަށް ޖުމުލަ 21,510,876.80 ރުފިޔާ ވަނީ ދައްކައިފަ އެވެ.
ސިވިލް ކޯޓުން ވަނީ މިދިޔަ ބުރާސްފަތި ދުވަހު އެ ބިމުގެ މިލްކުވެރިކަން އެޗްޑީސީއަށް ލިބިގެންވާ ކަމަށް ހުކުމްކޮށްފަ އެވެ.
މިއީ ކޮން ކަމަކަށް ގަތް ބިމެއް ކަމެއް ހައްޖު ކޯޕަރޭޝަނަކުން ނުބުނެ އެވެ.
ނަމަވެސް މިއީ މިދިޔަ ދޮޅު އަހަރު ތެރޭ ހައްޖު ކޯޕަރޭޝަނުން ގަތް ތިންވަނަ ބިމެވެ. އެގޮތުން މިދިޔަ އަހަރުގެ މެއި މަހުގެ ތެރޭގައިވެސް ހައްޖު ކޯޕަރޭޝަނުން ވަނީ ހުޅުމާލެއިން ދެ ބިން ގަނެފަ އެވެ.
އެ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލު އޭރު ވިދާޅުވީ, އެ ދެ ބިމަކީ އޮފީސް އިމާރާތަކާއި ރެޒިޑެންޝަލް އިމާރާތެއް ހަދަން ގަތް ދެ ބިން ކަމަށެވެ. އަދި އެ ދެ ބިން ގަތީ ހައްޖުވެރިންނާއި އުމްރާވެރިން އެ ކޯޕަރޭޝަނަށް ދައްކާ ފައިސާ އިން ކަމަށްވެސް ޝަކީލު ވިދާޅުވެފައިވެ އެވެ.
ނަމަވެސް އެ ދެ ބިމުގެ އަގާއި ބޮޑުމިން އަދި ލޮކޭޝަނާ ގުޅޭ މައުލޫމާތެއް ހާމައެއް ނުކުރެ އެވެ.
10 Comments
ގުޅުންހުރި
ހުޅުމާލެއިން ޓޯކުރި 105 އުޅަނދެއް ދޫކޮށްފި
ހުޅުމާލޭގައި ދިހަ ބުރިއަށް އިމާރާތްކުރުމަށް ޕާކިން ހިމެނޭގޮތަށް ޝަރުތުތަކެއް ހިމަނަނީ
ހުޅުމާލޭ ފޭސް އެކެއްގެ ގޯތިތަކުގެ އަގުން ދިހަ ޕަސަންޓުގެ ޑިސްކައުންޓެއް
ރައީސް އާދީއްތަ ދުވަހުގެ ރޭ ހުޅުމާލެ ފޭސް އެކެއްގެ ރައްޔިތުންނާ ބައްދަލުކުރައްވަނީ
ހުޅުމާލޭ ރައްޔިތުންގެ ރައްކާތެރިކަމަށް އެޗްޑީސީން ވަކި ސެކިއުރިޓީ ހިދުމަތެއް
ހުޅުމާލޭގައި 1964 ވެހިކަލް ޕާކު ކުރެވޭނެ ޖާގަތަކެއް ކަނޑައަޅައިފި