އެލީޓް ރަނާސް މޯލްޑިވްސް އިން އިންތިޒާމުކޮށްގެން ބާއްވާ ”ހުޅުމާލެ ރަން 2026“ ގެ ޓައިޓަލް ސްޕޮންސާއަކަން އެލައިޑް އިންޝުއަރެންސް ހަމަޖައްސައި، އެކަން އިއުލާންކޮށްފި އެވެ.
މި އާއެކު މިއަހަރުގެ ދުވުން ކުރިއަށް ގެންދާނީ ”އެލައިޑް ހުޅުމާލެ ރަން 2026″ގެ ނަމުގައެވެ. މި ދުވުން ބޭއްވުމަށް ހަމަޖެހިފައިވަނީ 22 މެއި 2026 ގައި ހުޅުމާލޭ ސެންޓްރަލް ޕާކް ސަރަހައްދުގައެވެ.
ހުޅުމާލެ ރަންއަކީ ދުޅަހެޔޮ ދިރިއުޅުމަކަށް ލޯބިކުރާ ފަރާތްތަކުން ނުހަނު ބޮޑު އިންތިޒާރެއް ކުރަމުން އަންނަ، ރާއްޖޭގައި ބޭއްވޭ ފާހަގަކޮށްލެވޭ އެއް ދުވުމެވެ. ޖުމުލަ 2,500 އަށްވުރެ ގިނަ ބައިވެރިން ބައިވެރިވާނެ ކަމަށް ލަފާކުރެވޭ މި ދުވުމަކީ އިޖުތިމާއީ އެއްބައިވަންތަކަމުގެ އިތުރުން ދުޅަހެޔޮ ސިއްހަތެއްގެ މުހިންމުކަން ދައްކުވައިދޭނެ ހަރަކާތެއްވެސްމެ އެވެ.
މި ދުވުމުގައި އެކި އުމުރުފުރާތަކަށް ބައިވެރިވެވޭނެ ގޮތަށް، ފޯރިގަދަ ހަތަރު ކެޓަގަރީއެއް ހިމަނާފައިވެ އެވެ. މީގެ ތެރޭގައި އާއިލާތަކަށް ހާއްސަ އެއް މޭލް ފެމިލީ ރަން، 5 ކިލޯމީޓަރުގެ ދުވުން، 10 ކިލޯމީޓަރުގެ ދުވުން އަދި ތަޖުރިބާކާރު ދުވުންތެރިންނަށް އަމާޒުކޮށްގެން ބާއްވާ 21 ކިލޯމީޓަރުގެ ހާފް މެރަތަން ހިމެނެ އެވެ.
އެލައިޑް ހުޅުމާލެ ރަން 2026ގެ ހާއްސަވާ އެއްކަމަކީ ހުރިހާ ދުވުންތެރިންވެސް މި ދުވުމުގައި ދުވާނީ އެލައިޑް އެކްސިޑެންޓަލް ކަވާ އަކާއެކުގައެވެ. އެލައިޑުން ގަބޫލުކުރާ ގޮތުގައި ކޮންމެ ދުވުންތެރިއަކަށްވެސް މިފަދަ ހަރަކާތްތަކުގައި ދިމާވެދާނެ ކުއްލި ހާދިސާއަކަށް ތައްޔާރުވެގެން ތިބުމަކީ ވަރަށް މުހިންމު ކަމެކެވެ.
މީގެ އިތުރުން، މި ދުވުން އިތުރަށް ފޯރިގަދަ ކުރުމުގެ ގޮތުން، ދުވުމުގެ އެކި ކެޓަގަރީތަކުން ވަނަތައް ހާސިލުކުރާ ފަރާތްތަކަށް އެލައިޑްގެ ފަރާތުން ހާއްސަ އިނާމުތަކެއް ދިނުމަށްވެސް ވަނީ ހަމަޖެހިފަ އެވެ. އޭގެ ތެރޭގައި އެލައިޑް ހެލްތު ކަވަރޭޖާއި އަހަރީ ޓްރެވަލް ކަވަރޭޖް ހިމެނެ އެވެ.
އެލައިޑުން ބުނީ، މިއީ ދުވުން ނިމުމަށްފަހު ވެސް، ބައިވެރިންގެ ދުޅަހެޔޮކަމާއި ރައްކާތެރިކަން ކަށަވަރުކޮށްދިނުމަށް އެ ކުންފުނިން ބަހައްޓާ އަހަންމިއްޔަތުކަން ހާމަކޮށްދޭ ކަމެއް ކަމަށެވެ. އަދި މިއީ ހަމައެކަނި ދުވުމުގެ މުބާރާތެއް ނޫން ކަމަށާއި މިއީ އެންމެން ގުޅިގެން ހާސިލުކުރެވޭނެ ކަންތައްތައް ފާހަގަކޮށް އިޖުތިމާއީ ރޫހު އާލާކުރާ ހަރަކާތެއް ކަމަށްވެސް ބުންޏެވެ.
އެލައިޑުން ބުނީ، ދުވުމަށް ތައްޔާރުވާ ކޮންމެ ދުވުންތެރިއަކަށް ބޭނުންވާ ރައްކާތެރިކަން ކަށަވަރުކޮށްދިނުމަކީ އެ ކުންފުނިން ފަހުރުވެރިވާ ކަމެކެވެ.
ގުޅުންހުރި
އީރާނުގެ ސުޕްރީމް ލީޑަރަށް ކޮންމެ މީހަކު އައްޔަންކުރިޔަސް އެއީ ނައްތާލަންޖެހޭ މީހެއް:
އީރާނަށް ދޭ ހަމަލާއާ ދެކޮޅަށް ރަޝިއާ އާއި ޗައިނާއިން ތެދުވެއްޖެ!
ލާމަރުކަޒު ކުރާ ކަމަށްބުނެ، ޕީއެންސީން އޮޅުވާލުންތަކެއް ނުގެންގުޅޭނެ: ހަލީލު
ފުޅަދޫ ރަށު ތެރޭގައި ފަތުރުވެރިން ބިކިނީ ލައިގެން އުޅޭނަމަ ޖޫރިމަނާކުރަނީ
ރާއްޖެ ކާބޯތަކެއްޗާއި ތެލާއި ގޭހަކަށް ނުޖެހޭނެ: ސައީދު
ސްކޭމް މައްސަލައެއްގައި ހިރިލަންދޫ އަންހެނަކު ހޯދަނީ