ރ. އަނގޮޅިތީމުގައި 72 އަހަރުގެ ދިވެހި އަންހެނަކު ނަމާދަށް ހުއްޓައި, މަރާލާނެކަމުގެ އިންޒާރުދީ ޖިންސީ ގޯނާކުރި މީހަކު ހައްޔަރުކޮށްފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ ރޭ 8:30 ހާއިރު ރިޕޯޓްކުރި އެ ހާދިސާގައި އަނިޔާ ލިބުނު މީހާއަށް އެ ރަށު ހެލްތް ސެންޓަރުގައި ފަރުވާ ދިނުމަށްފަހު މިހާރު ވަނީ ދޫކޮށްލައިފަ އެވެ.
އަދި އެ މައްސަލާގައި ކޯޓު އަމުރެއްގެ ދަށުން 44 އަހަރުގެ ދިވެހި ފިރިހެނަކު ރޭ 9:57 ހާއިރު ހައްޔަރުކޮށްފައިވާ ކަމަށްވެސް ފުލުހުން ބުންޏެވެ.
އެނގިފައިވާ ގޮތުގައި އެ އަންހެން މީހާއަށް ޖިންސީ ގޯނާކުރީ ގޭގައި އިޝާ ނަމާދަށް ހުއްޓަ އެވެ. ނަމަވެސް އިތުރު ތަފުސީލެއް ނުލިބެ އެވެ.
