ރައްޔިތުންގެ މަޖިލީހުގެ ހުޅުމާލެ ދެކުނު ދާއިރާގެ މެމްބަރު އަހުމަދު ޝަމްހީދު އަދި މާފަންނު ދެކުނު ދާއިރާގެ މެމްބަރު އަބްދުالله ރިފާއު (ބޮޗޭ) އަށްވެސް ހެޔޮއެދޭ ފަރާތްތަކުން ފައިސާ ލިބުނުކަން އެ މެންބަރުން ހުށަހެޅި މާލީ ބަޔާނުން ހާމަވެއްޖެ އެވެ.
ވިހިވަނަ މަޖިލީހުގެ މެމްބަރުންގެ ދެވަނަ އަހަރުގެ މާލީ ބަޔާން މަޖިލީހުގެ ވެބްސައިޓުގައި މިހާރު ވަނީ ޝާއިއުކޮށްފަ އެވެ. އެއީ 28 މޭ 2025 އިން 27 މޭ 2026ގެ ބަޔާނެވެ.
ޝަމްހީދުގެ މާލީ ބަޔާނުގައިވާ ގޮތުން އޭނާއަށް އެ މުއްދަތުގެ ތެރޭގައި އާމްދަނީގެ ގޮތުގައި 925,491 ރުފިޔާ 58 ލާރި ލިބިވަޑައިގެންފައިވެ އެވެ. ނަމަވެސް ހެޔޮއެދޭ މީހުންގެ ފަރާތުން ލިބުނު ކަމަށް ބުނެފައިވާ 36,000 ޑޮލަރަކީ ކޮން ބޭނުމަކު ދިން އެއްޗެއް ކަމެއް ހާމަކޮށްފައެއް ނުވެ އެވެ.
ބޮޗޭގެ މާލީ ބަޔާނުގައިވާ ގޮތުން އޭނާއަށް މިދިޔަ އެއް އަހަރު ތެރޭ އާމްދަނީގެ ގޮތުގައި 1.2 މިލިއަން ރުފިޔާ ލިބިވަޑައިގެންފައިވެ އެވެ. އެއީ މުސާރައާއި އިނާޔަތުގައި ގޮތުގައި ލިބިވަޑައިގެންނެވި 833,303 ރުފިޔާއާއި ވިޔަފާރި ފައިދާގެ ގޮތުގައި ލިބިވަޑައިގެންނެވި 122,328 ރުފިޔާ އަދި ގޭގެ އެޕާޓްމަންޓުން ލިބިވަޑައިގެންނެވި 300,000 ރުފިޔާ އެވެ.
ބޮޗޭގެ މާލީ ބަޔާނުގައި އޭނާ ބުނެފައިވާ ގޮތުން ހެޔޮއެދޭ މީހުންގެ ފަރާތުން ލިބުނު 300,000 ރުފިޔާއަކީ ސްޕޮންސާސް އެވެ.
