އިއްޔެ ބޭއްވި ރައްޔިތުންގެ މަޖިލީހުގެ ޖަލްސާއާ ދިމާކޮށް ހިނގި ހަމަނުޖެހުންތަކުގައި މަޖިލީހުގެ މެމްބަރުންގެ ސަލާމަތާއި ރައްކާތެރިކަން ގެއްލުނު ސަބަބު ހޯދަން 241 ކޮމިޓީއަށް މައްސަލައެއް ހުށަހަޅަން އެމްޑީޕީން ނިންމައިފިއެވެ.
އެމްޑީޕީގެ ޕާލަމެންޓްރީ ގްރޫޕުން މިރޭ ބޭއްވި ނޫސްވެރިންގެ ބައްދަލުވުމުގައި ސަލީމް ވިދާޅުވީ މަޖިލީހުގެ މެމްބަރުންނަށް ސަލާމަތާއި ރައްކާތެރިކަން އެމްއެންޑީއެފް އިން އިއްޔެ ދިން ކަމަށް ގަބޫލުނުކުރައްވާ ކަމަށެވެ.
”އަޅުގަނޑު ގަބޫލެއް ނުކުރަން ދައުލަތުގެ ސަލާމާތީ ބާރުތަކުން މިއަދު ރައްޔިތުންގެ މަޖިލީހަށް ދެއްވަން ޖެހޭ ހިދުމަތް ދެއްވި ކަމަށް. ރައްޔިތުންގެ މަޖިލީހުގެ ރައީސް ވެސް ހުންނެވީ ވަރަށް ކަންބޮޑުވުމުގެ ތެރޭގައި. ވަރަށް ހާސްކަމުގެ ތެރޭގައި. މިތަނަށް ވަނުމާ ނުކުތުމާ އެއްވެސް އުސޫލެއް ނެތި ހިނގަމުންދިޔަ ތަން އެންމެނަށް ވެސް ފެނިގެންދިޔައީ,“ ސަލީމް ވިދާޅުވިއެވެ.
ސަލީމް ވިދާޅުވީ މަޖިލީހުގެ މެމްބަރުންނަށް ސަލަމާތާއި ރައްކާތެރިކަން އޮތްކަމަށް އިހްސާސް ނުކުރެވޭ ކަމަށެވެ. އެހެންވިޔަސް ވަޒީރުންނަށް ރުހުންދިނުމާ މެދު ގޮތެއް ނިންމުމުގެ ކަންކަން އެއްވެސް ވަރުބަލިކަމެއް ނެތި ކުރިއަށްގެންދަވާނެ ކަމަށެވެ.
ވަޒީރުންނަށް ރުހުން ދިނުމާ މެދު ގޮތެއް ނިންމުމަށް ހޯމަ ދުވަހުގެ ހެނދުނު 9:00 ގައި ޖަލްސާއެއް ބާއްވަން ވަނީ ތާވަލްކޮށްފައެވެ.
ސަރުކާރުގެ މުހިންމު ބައެއް ވަޒީރުންނަށް ރުހުން ނުދޭން އެމްޑީޕީން ނިންމާފައި ވާތީ ސަރުކާރަށް ތާއީދު ކުރާ ގިނަ ބަޔަކު ވަނީ މަޖިލިސް ކުރިމައްޗަށް އެއްވެ މުޒާހަރާކޮށްފައެވެ.

ގުޅުންހުރި
ކުއްޖާގެ ކަރާމަތް ނަގާލީ ސާޖިދާ ކަމަށް ބުނެ އެމްޑީޕީން ފުލުހަށް މައްސަލަ
މެޑަމް ސާޖިދާ ގޮވާލެއްވީ މިވަގުތު ކަންކަން ހަލަބޮލި ނުކޮށް، އިންސާފަށް ޖާގަ
ދަރިކަލުންނާ ދިމާކުރާތީ މަންދީ އަދި ފައްޔާޒަށް ދައުވާކުރަން މެޑަމް ސާޖިދާ ނިންމަވައިފި
ކުރީގެ ލިސްޓުގައި ނެތް މީހެއް އާ ލިސްޓަކަށް ނުލަން، އެކަމަކު އުސޫލު
ކުރިން ނެރެފައިވާ ލިސްޓުގެ ބޭރުން 577 މީހަކަށް މި ސަރުކާރުން ފްލެޓް
އެމްޑީޕީން އުޅެނީ ވެރިކަމުން ބޭލީމާ ހަޖަމު ނުވެގެން، ދެންވެސް ބަލިކުރާނަން: ޝުޖާއު