ހއ. ދިއްދޫގައި އާ ހޮސްޕިޓަލެއް އަޅުވައިދެއްވާނެ ކަމަށް ރައީސް ޑރ. މުހައްމަދު މުއިއްޒު ވައުދުވެވަޑައިގެންނެވި އިރު، އެ މަޝްރޫއުއަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ބަޔަކާ ހަވާލުކޮށްފައި އޮތް މަޝްރޫއެކެވެ.
އުތުރުގެ ހަތަރު އަތޮޅަކަށް ކުރައްވާ ދަތުރުފުޅުގައި ދިއްދުއަށް މިއަދު ވަޑައިގެން އެ ރަށުގެ ރައްޔިތުންނާ އެކު ބޭއްވެވި ބައްދަލުވުމުގައި ރައީސް ވަނީ ދިއްދޫ ރައްޔިތުންނާއި މުޅި އަތޮޅަށްވެސް ފައިދާ ފެންވަރުގެ ރަނގަޅު އަދި ގިނަ ހިދުމަތްތަކެއް ލިބޭ ހޮސްޕިޓަލެއް އެ ރަށުގައި އަޅައިދެއްވާނެ ކަމަށް ވިދާޅުވެފަ އެވެ.
ނަމަވެސް ދިއްދޫގައި އާ ހޮސްޕިޓަލެއް އަޅަން 30 މެއި 2022 ގައި ވަނީ ހަވާލުކޮށްފަ އެވެ.
އިންޑިއަން އެގްޒިމް ބޭންކުގެ ބަޔާސް ކްރެޑިޓް ސްކީމުގެ ދަށުން އެ މަސައްކަތް ހަވާލުކުރީ ޓެލެކޮމިއުނިކޭޝަން ކޮންސަލްޓަންސް އިންޑިއާ ލިމިޓެޑާ (ޓީސީއައިއެލް) ނަމަކަށް ކިޔާ ކުންފުންޏަކާ އެވެ. ޑިޒައިން ކުރުމާއި އިމާރާތް ކުރުން ހިމެނޭ ގޮތަށް ހަވާލުކުރި އެ މަޝްރޫއުގެ ދަށުން ދިއްދޫގައި ހަދާނީ 50 އެނދުގެ ހޮސްޕިޓަލެކެވެ.
މި އަހަރަށް ފާސްކުރި ބަޖެޓުގައިވާ ގޮތުގައި ދިއްދޫ އާ ހޮސްޕިޓަލް އިމާރާތުގެ މަސައްކަތަށް 303،428ރ. ވަނީ ކަނޑައަޅައިފަ އެވެ.

ގުޅުންހުރި
ސްޓެލްކޯގެ އިންޖިނިއަރުންނަށް ރަތް ދޫލައިގެ މަރުހަބާއެއް ކިޔައި ހާއްސަ ހަފުލާއެއް
ބަނގުރަލުގެ ވިިޔަފާރި ކުރިކަމަށް ތުހުމަތު ކުރެވޭ 3 މީހުން ޑީޕޯޓް ކުރަނީ
މަޝްވަރާނުކޮށް މީޑިއާ ކޮމިޝަން ބިލް ހުށަހެޅުމުން ބްރޯޑްކޮމްއިން ކަންބޮޑުވުން ފާޅުކޮށްފި
ޝީ ޖިންޕިންއާ ރައީސް ބައްދަލުކުރައްވައިފި، މަޝްވަރާކުރީ ގުޅުން ހަރުދަނާކުރަން
ހިތުގެ ހާއްސަ ޑޮކްޓަރަކު ހިތް ހުއްޓިގެން މަރުވެއްޖެ
ކުޑަ ކުއްޖަކު ރޭޕްކުރި ދެ ފިރިހެނަކަށް 7 އަހަރު ފަހުން ހުކުމްކޮށްފި