އޮޔާ ދަނިކޮށް 13 ޑައިވަރުން ސަލާމަތްކޮށްފި

އޮޔާ ދަނިކޮށް ފެނިގެން 13 ޑައިވަރުންގެ ޓީމެއް ފުލުހުން މިއަދު ސަލާމަތްކޮށްފި އެވެ.

ފުލުހުން މިއަދު ބުނީ ޏ. ފުވައްމުލަކުން ފުރައިގެން ގދ. އަތޮޅަށް ދަތުރު ކުރި ފުލުހުންގެ ލޯންޗަކަށް އެންމެ ފުރަތަމަ ފެނުނީ، ގދ. ގަން ކައިރިން އޮޔާ ދިޔަ ދެ ޑައިވަރުން ކަމަށެވެ. ނަމަވެސް އިތުރަށް ބެލުމުން، ބެހުނު މީހުންގެ ތެރޭގައި އިތުރު މީހުން ވެސް ހިމެނޭކަން އެނގުނު ކަމަށް ބުންޏެވެ.

ފުލުހުން ބުނިގޮތުގައި މީހުން ހޯދަން ފެށި އޮޕަރޭޝަނުގައި އިތުރު މީހުން ފެނުނު ކަމަށެވެ. އޮޔާ ދަނިކޮށް ފެނުނު މީހުންގެ ތެރޭގައި ރަޝިއާގެ ދިހަ މީހުންނާއި ތިން އިންސްޓްރަކްޓަރުން ހިމެނޭ ކަމަށްވެސް ބުންޏެވެ.