އެކާވީސްވަނަ ގަރުނު އެންމެ ގިނަ ހެޓްރިކް ހެދި ފުޓްބޯޅަ ކުޅުންތެރިންގެ ލިސްޓުގެ ތިންވަނައިގައި ރާއްޖޭގެ ތާރީހު ދުށް އެންމެ ކުޅަދާނަ ފުޓްބޯޅަ ކުޅުންތެރިޔާ އަލީ އަޝްފާގު (ދަގަނޑޭ) ހިމެނިއްޖެ އެވެ.
ދެކުނު އޭޝިއާ ފުޓުބޯޅައިގައިވެސް ފެނުނު އެންމެ މޮޅު ފުޓްބޯޅަ ކުޅުންތެރިޔާ ދަގަނޑޭ ވަނީ އޭނާގެ ފުޓުބޯޅަ ކެރިއަރުގައި ޖުމުލަ 35 ހެޓްރިކް ހަދައިފަ އެވެ. އެގޮތުން ގައުމީ ޓީމަށް ފަސް ހެޓްރިކް އަދި ބައިނަލްއަގުވާމީ ކްލަބު މުބާރާތްތަކުގައި ތިން ހެޓްރިކް ހަދާފައިވާއިރު، ގައުމީ ލީގުގައި ދަގަނޑޭ ވަނީ 21 ހެޓްރިކް ހަދައިފަ އެވެ. އަދި ގައުމީ ކަޕްތަކުގައި އޭނާ ވަނީ ހަ ހެޓްރިކެއް ހަދައިފަ އެވެ.
އެ އަދަދާއެކު 21 ވަނަ ގަރުނުގައި ތިންވަނައަކަށް އެންމެ ގިނައިން ހެޓްރިކް ހެދި ކުޅުންތެރިޔާގެ ޝަރަފު ދަގަނޑޭއަށް ލިބުނު އިރު، އެއްވަނައިގައި އޮތީ ޕޯޗުގަލްގެ ތަރި ކްރިސްޓިއާނޯ ރޮނާލްޑޯ އެވެ. ދެވަނައިގައި އޮތީ އާޖެންޓީނާގެ ލިއޮނަލް މެސީ އެވެ.
ރޭ ސައުދީ އަރަބިއާގެ އަލް ނަސްރަށް ހެޓްރިކް ހަދައިދިން ރޮނާލްޑޯ ވަނީ ކެރިއަރުގައި 62 ހެޓްރިކް ހަދައިފަ އެވެ. އޭގެ ތެރެއިން ލީގުތަކުގައި 41 ހެޓްރިކް އަދި ގައުމީ ޓީމަށް 10 ހެޓްރިކް ހަދާފައިވާއިރު، ބައިނަލްއަގުވާމީ ކްލަބު މުބާރާތްތަކުގައި އޭނާ ވަނީ ނުވަ ހެޓްރިކް ހަދައިފަ އެވެ.
ލިސްޓުގައި ދަގަނޑޭ އަށްވުރެ މަތީގައި އޮތް މެސީ ވަނީ ޖުމުލަ 56 ހެޓްރިކް ހަދައިފަ އެވެ. އޭގެ ތެރެއިން އެންމެ ގިނަ ހެޓްރިކް ހެދީ ލީގުގަ އެވެ. އެއީ 36 ހެޓްރިކެވެ. ގައުމީ ޓީމަށް ހެޓްރިކެއް މެސީ ހަދާފައިވާ އިރު، ބައިނަލްއަގުވާމީ ކްލަބު މުބާރާތްތަކުގައި މެސީ ވަނީ އަށް ހެޓްރިކެއް ހަދައިފަ އެވެ.
ދަގަނޑޭ ވަނީ ރާއްޖޭގެ ގައުމީ ޓީމަށްވެސް ރެކޯޑު އަދަދަކަށް ގޯލު ޖަހައިދީފަ އެވެ. އެގޮތުން ގައުމީ ޓީމަށް ކުޅުނު 98 މެޗުގައި 58 ގޯލު ޖަހައިފަ އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ޖިނާއީ ކުށްތަކާ ގުޅިގެން ކުރާ ޖޫރިމަނާގެ ފައިސާ ނުދައްކާ މީހުން ޖަލަށް
ﷲ އަށް ވަކީލުކުރުމަކީ، ވަކީލުކޮށްފީމޭ ބުނެ ދެއަތް އުރައިލައިގެން ތިބުމެއް ނޫން
ވެރިކަމުގައި މިހާރު މި ހުރީ އިބްރާހިމް މުހައްމަދު ސޯލިހު ދެވަނަ: ހުސެއިން
ފެނަކަ ގާދިއްފުށި ބްރާންޗުގައި މެނޭޖަރެއް ހުއްޓައި އިތުރު މެނޭޖަރެއް ނެގި ވާހަކަ