މިދިޔަ ރިޔާސީ އިންތިހާބުގެ ކެމްޕެއިން ދުވަސްވަރު މޯލްޑިވިއަންގެ ފްލައިޓުތަކުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ކޮށްފައިވާ ދަތުރުތަކަށް ނުދައްކާ ހުރި 5.6 މިލިއަން ރުފިޔާ ހޯދަން އެ ޕާޓީއާ ދެކޮޅަށް ސިވިލް ކޯޓުގައި ދައުވާކޮށްފި އެވެ.
މައުލޫމާތު ލިބިފައިވާ ގޮތުގައި އެމްޑީޕީގެ ބޭނުންތަކަށް އެ ކުންފުނިން ނަގާފައިވާ ޓިކެޓާއި ޗާޓަރު ފްލައިޓްތަކަށް ނުދައްކާ ހުރި އެ ފައިސާ ހޯދަން ސިވިލް ކޯޓަށް މައްސަލަ ހުށަހެޅީ މިއަދު އެވެ.
އެ މައްސަލަ ކޯޓަށް ވެއްދުމުގެ ކުރިން އެ ފައިސާ ހޯދަން އެމްޑީޕީއަށް އެކިފަހަރު މަތިން އެންގި އެވެ. އަދި އެ ފައިސާ ހޯދަން ކޯޓަށް ދާނެ ކަމުގެ ނޯޓިސް އެ ޕާޓީއަށް މިދިޔަ ފެބްރުއަރީ މަހުގެ ކުރީކޮޅު ދީފައިވެ އެވެ.
އައިލެންޑް އޭވިއޭޝަނުން ކުރިން ބުނެފައިވާ ގޮތުން، އެމްޑީޕީން ނުދައްކާ އޮތީ މިދިޔަ ސެޕްޓެމްބަރު މަހުން ފެށިގެން އޮކްޓޯބަރު މަހުގެ ތެރޭގައި ކޮށްފައިވާ 10 ދަތުރެއްގެ ފައިސާ އެވެ.
އަދި އައިލެންޑް އޭވިއޭޝަނުން އެމްޑީޕީއާއެކު އެއްބަސްވެފައިވަނީ ހިދުމަތް ހޯދާ ދުވަހުން ފެށިގެން 48 ގަޑިއިރުގެ ތެރޭގައި ބިލްތަކަށް ފައިސާ ދައްކާ ގޮތަށް ކަމަށް އެ ކުންފުނިން ބުނެ އެވެ.
ގުޅުންހުރި
ކޮރެއާގެ ކުންފުންޏަކަށް 1 މަސް ތެރޭ 3 މިލިއަން ޑޮލަރު ދައްކަން
އުމުރުން ދުވަސްވީ މީހުންގެ އަތުން ފޭރުމުގެ މައްސަލަތައް އިތުރުވަނީ
ރަށެއްގެ ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ މައްސަލަ ބަލަނީ
ޖެންޒީންނަށް ވިސްނޭނެ ގޮތަކަށް އިސްލާމް ދީނުގެ ކަންކަން ކިޔައިދޭންޖެހޭ: ރައީސް
ފިހާރައެއްގެ ތެރޭގައި ހުރި މީހަކަށް ތޫނު އެއްޗަކުން ހަމަލާދީފި
ދޮގާއި ދޮގު ހަބަރު ފެތުރުމަކީ ދިވެހި މުޖުތަމައުގައި މޫލާފައި އޮތް ބޮޑު