ރިޝްވަތު ގަބޫލުކުރުމާއި މަނީ ލޯންޑަރިންގެ ކުށް ސާބިތުވެ 11 އަހަރަށް ޖަލަށްލުމަށް ހުކުމްކޮށްފައި ހުންނެވި ކުރީގެ ރައީސް އަބްދުﷲ ޔާމީން މިނިވަން ނުކޮށްފިނަމަ، އެ މަނިކުފާނު މިނިވަންކުރުމަށް ގޮވާލައި ސަރުކާރާ ދެކޮޅަށް މުޒާހަރާ ކުރަން ފަށާނެ ކަމަށް ޕީއެންއެފް އުފެއްދުމަށް އިސްކޮށް އުޅުއްވާ ކުރީގެ މިނިސްޓަރު މުހައްމަދު މަލީހު ޖަމާލް ވިދާޅުވެއްޖެ އެވެ.
ޕީއެންއެފް އުފެއްދުމުގެ ހުއްދަ އީސީން މިއަދު ދިނުމާ ގުޅިގެން ބޭއްވި ނޫސްވެރިންގެ ބައްދަލުވުމެއްގައި މަލީހު ވިދާޅުވީ ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވީ ޔާމީންގެ ފޮޓޯފުޅާއި އެ މަނިކުފާނުގެ ހުސްގޮނޑި ރައްޔިތުންނަށް ދައްކައިގެން ކަމަށެވެ.
ނަމަވެސް އެކަން ހަނދާން ނެތި، ރައީސް މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) އާއި ސަރުކާރުގެ މިނިސްޓަރުން ޔާމީނަށް ނިސްބަތްކޮށް އަނިޔާވެރި ބަސްތަކެއް ވިދާޅުވަމުންދާ ކަމަށް ވިދާޅުވި އެވެ.
މަލީހު ވިދާޅުވީ ޔާމީން މިނިވަންކުރުމަށް ސަރުކާރަށް އެއްވެސް ހުރަހެއް ނެތް ކަމަށާއި ނަމަވެސް އެ މަނިކުފާނު އަދިވެސް ހުންނެވީ ބަންދުގައި ކަމަށެވެ. އަދި ސަރުކާރުން ފޯރުވާ ނުފޫޒަށް ނޫނެކޭ ބުނެ، ޔާމީންގެ މައްސަލަ ތާވަލުކޮށްދިނުމަށް ޝަރުއީ ކޯޓުތަކަށް މަލީހު ގޮވާލެއްވި އެވެ.
”ރައީސް ޔާމީން މިނިވަން ނުކުރައްވައި އެގޮތަށް ތަކުރާރު ކުރައްވާ ކަމަށް ވަންޏާ ޕީއެންއެފްގެ ފަރާތުން މަގުމަތީގެ ހަރަކާތްތައް ވެސް އަޅުގަނޑުމެން ފަށާނަން. މުޒާހަރާވެސް ކުރާނަން. ރައީސް އޮފީސް ދޮށަށް ދާން ޖެހިއްޖެއްޔާ އެކަންވެސް އަޅުގަނޑުމެން ކުރާނަން“ މަލީހު ވިދާޅުވި އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު
ބަކާ ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމެއް: ރައީސް
ހަރަދު ކުޑަކުރުމާއި އާމްދަނީ އިތުރުކުރުމުގެ ސިޔާސަތެއް އެކުލަވާލަނީ
އީޔޫ އިން ދޭ ފުރުސަތުތައް ރާއްޖެއަށް ހޯދަން ސަމޯއާ އެގްރިމަންޓުގައި ބައިވެރިވާން
ހައްޖުގެ ފުރިހަމަ އިންތިޒާާމުތަކަށް ރައީސް މުއިއްޒު ސައުދީއަށް ޝުކުރު އަދާކުރައްވައިފި