ލ. ކައްދޫ އެއާޕޯޓު އިންޓަނޭޝަނަލް ކުރުމަށް. ޕްލޭނިން މިނިސްޓްރީއާއި ޗައިނާ މެޝިނަރީ އިންިޖިނިއަރިން ކޯޕަރޭޝަން (ސީއެމްއީސީ)އާ އެކު އެކު މެމޮރެންޑަމް އޮފް އަންޑަސްޓޭންޑިން (އެމްއޯޔޫ) އެއްގައި މިރޭ ސޮއިކޮށްފިއެވެ.
އެ އެމްއޯޔޫގައި ޕްލޭނިން މިނިސްޓްރީގެ ފަރާތުން ސޮއިކުރެއްވީ ކޮންސްޓްރަކްޝަން އެންޑް އިންފްރަސްޓްކަޗާ މިނިސްޓަރު ޑރ. އަބްދުﷲ މުއްތަލިބު އާއި ސީއެމްއީސީގެ ފަރާތުން ސޮއިކުރެއްވީ ޖެނެރަލް މެނޭޖަރު ލީ އެވެ.
އެ އެމްއޯޔޫގެ ތަފުސީލު އަދި އެއްވެސް ފަރާތަކުން ހާމަކޮށްފައިނުވެއެވެ.
ރިޔާސީ އިންތިހާބުގެ ކެމްޕޭނުގެ ތެރޭގައި ރައީސް ޑރ. މުހައްމަދު މުއިއްޒު ވަނީ ކައްދޫ އެއާޕޯޓު އިންޓަނޭޝަނަލް ކުރާނެކަމަށް ވައުދުވެވަޑައިގެންފައެވެ.
ކައްދޫ އެއާޕޯޓް އިންޓަނޭޝަނަލް ކުރުމަށް ހަވާލުކުރި ޗައިނާގެ ސީއެމްއީސީއަކީ ކުރީގެ ރައީސް އަބްދުﷲ ޔާމީންގެ ސަރުކާރުގައި ހުޅުމާލެ ފޭސް 2ގައި ގާއިމް ކުރި ހިޔާ ފްލެޓްތަކުގެ ވެސް ކޮންޓްރެކްޓަރެވެ.
މި ސަރުކާރުން ވަނީ ކައްދޫ އެއާޕޯޓުގެ މަޝްރޫއުގެ އިތުރުން ވެސް ބައެއް އެހެން މަޝްރޫއުތައް ސީއެމްއީސީއާ ހަވާލުކޮށްފައެވެ.
ގުޅުންހުރި
އަމީނީ މަގުގެ މަޝްރޫއު: ޕަމްޕް ސްޓޭޝަންގެ ވެލްވް ޗެމްބަރާއި ޕެނަލް ބޯޑު
މަސައްކަތް ފަށައިފައިވާ މަޝްރޫއުތައް މަޑުޖައްސާލަން އަންގާފައިނުވާނެ: މުއްތަލިބު
މާލެއާއި ވިލިމާލޭގެ މަގުތައް ތަރައްގީކުރަން ޗައިނާއާއެކު ސޮއިކޮށްފި
ހަނިމާދޫ އެއާޕޯޓުގެ 67.5 ޕަސެންޓް ނިމިއްޖެ، އަންނަ މާޗަށް ނިމޭނެ
ދިއްދޫ މަގުތައް ހެދުން: 52 ޕަސެންޓް ނިމިއްޖެ، ކޭބަލް ޖަންކްޝަން ހޮޅި
ތިލަމާލެ ބުރިޖު: 2025ގެ ނިޔަލަށް މާލެއާއި ވިލިމާލެ ގުޅުވައިލެވޭނެ