މި އަހަރުގެ ފުރަތަމަ ކުއާޓަރުގައި އެމްޓީސީސީ އަށް އާމްދަނީގެ ގޮތުގައި ލިބުނު އަދަދު ބޮޑުތަނުން ދަށްވެއްޖެ އެވެ.
އެމްޓީސީސީ އިން އިއްޔެ އާންމުކުރި މި އަހަރުގެ ފުރަތަމަ ކުއާޓަރުގެ މާލީ ހިސާބުތައް ދައްކާ ގޮތުން ޖެނުއަރީން މާޗު މަހު އެ ކުންފުންޏަށް ލިބުނީ 664 މިލިއަން ރުފިޔާގެ އާމްދަނީއެކެވެ. އެއީ މިދިޔަ އަހަރުގެ ފަހު ކުއާޓާރުގައި ލިބުނު 789 މިލިއަން ރުފިޔާއަށްވުރެ 125 މިލިއަން ދަށް އަދަދެކެވެ. ނުވަތަ 16 ޕަސެންޓް ދަށްވުމެކެވެ.
އާމްދަނީ ދަށްވުމާއެކު އެމްޓީސީސީ އަށް ފުރަތަމަ ކުއާޓާރުގައި ޓެކުހަށް ކެނޑުމަށްފަހު ސާފު ފައިދާގެ ގޮތުގައި ލިބުނީ އެންމެ ފަސް މިލިއަން ރުފިޔާ އެވެ. އެއީ މިދިޔަ އަހަރުގެ ފަހު ކުއާޓަރުގައި އެމްޓީސީސީ އަށް ލިބުނު 35.14 މިލިއަނަށްވުރެ 82 ޕަސެންޓްގެ ދަށްވުމެކެވެ.
އެމްޓީސީސީ އިން ބުނީ، ފައިދާ ދަށްވީ ދުނިޔޭގެ ބާޒާރުގައި ތަކެތީގެ އަގު އަދި ހާއްސަކޮށް ތެލުގެ އަގު އުފުލުމުގެ ސަބަބުންނާއި ބާރު ފައިސާ ހޯދުމަށް ކުންފުނިން ކުރަން ޖެހުނު ހަރަދު އިތުރުވުމާ ގުޅިގެން ކުންފުނީގެ ސަޕްލައިޗޭނަށް ދިމާވި ނޭދަވޭ އަސަރުގެ ސަބަބުން ކަމަށެވެ.
އަދި އެ އަދަދަކީ މި އަހަރުގެ ފުރަތަމަ ކުއާޓާރުގައި ލިބޭނެ ކަމަށް އަންދާޒާ ކުރި ސާފު ފައިދާއަށްވުރެ ދަށް އަދަދެއް ނަމަވެސް ހާލަތަށް ބަލައި ކުންފުނީގެ މެނޭޖްމަންޓުން އެޅި ފިޔަވަޅުތަކުގެ ސަބަބުން ހާސިލުކުރެވުނު ކުރިއެރުމެއް ކަމަށްވެސް ބުންޏެވެ.
ގުޅުންހުރި
ހައިވޭގައި ހިނގި އެކްސިޑެންޓެއްގައި ދެ މީހަކަށް އަނިޔާވެގެން ފަރުވާދެނީ
އެމްޑީޕީގެ ކެންޑިޑޭޓުން ހޮވައިފިއްޔާ، ދެންވެސް ކުރާނީ ޖެއްސުން: ނައިބު ރައީސް
ބަންޑާރަ މިސްކިތް ތަޅާލުމާ ދެކޮޅަށް އަޑުއުފުލަނީ، މިނިސްޓަރު ވިދާޅުވަނީ ބޮޑުކުރަންޖެހޭ ކަމަށް
ތައިލެންޑުގައި ޖަލު ބަންދުގައި ހުރި ދިވެއްސަކު މަރުވެއްޖެ
ސުވަރުގެ އެދޭ ނަމަ، ފަހު ދިހައިގެ ރޭތަކުގެ މާތްކަމާއި ދަރުމައަށް މަސައްކަތްކުރޭ!
މައިމީހާގެ ފަރާތުން ދަރިފުޅަށް އެޗް.އައި.ވީ ފެތުރުން ހުއްޓުވި ފުރަތަމަ ގައުމަކަށް ޑެންމާކް