އދ. މާމިގިލީ މަގުތައް ޒަމާނީ ފެންވަރަށް ހެދުމުގެ މަޝްރޫއުގެ 80 ޕަސެންޓް ނިމިފައިވާ ކަމަށް އެ މަޝްރޫއުގެ ކޮންޓްރެކްޓަރު، ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފި އެވެ.
މާމިގިލީ މަގު ހެދުމުގެ މަސައްކަތް އެންމެ ފުރަތަމަ ފެށީ 2018 ވަނަ އަހަރު އެވެ. އެއަށްފަހު ރައީސް އިބްރާހިމް މުހައްމަދު ސޯލިހުގެ ސަރުކާރުގައި 2020 ގައި އެ މަސައްކަތް އާރުޑީސީއާ ހަވާލުކުރި އެވެ. އެ މަޝްރޫއުގެ އަމަލީ މަސައްކަތް ފެށީ އެ އަހަރުގެ 26 ސެޕްޓެމްބަރުގަ އެވެ.
ޖުމުލަ 95 މިލިއަން ރުފިޔާގެ އެ މަޝްރޫއުގެ ދަށުން މި ވަގުތު ޖުމުލަ ހަ މަގެއްގެ މަސައްކަތް އަންނަނީ ކުރަމުންނެވެ. އެއީ ޖުމުލަ 4.8 ކިލޯ މީޓަރުގެ ދިގުމިނެވެ.
މަޝްރޫއުގެ ފަހުގެ މައުލޫމާތު ހިއްސާކުރަމުން އާރުޑީސީން ބުނީ، މިހާތަނަށް ހަ މަގެއްގައި ކޭބަލް ޖަންކްޝަން ބެހެއްޓުމާއި ހޮޅިއެޅުމުގެ ހުރިހާ މަސައްކަތެއް ނިންމާލާފައިވާ ކަމަށެވެ. އަދި ފަސް މަގެއްގައި ސެޓްލްމަންޓް ޓޭންކާއި ހޮޅި އެޅުމުގެ މަސައްކަތް ނިންމާލެވިފައިވާއިރު، އެއް މަގެއްގައި އެ މަސައްކަތުގެ 80 ޕަސެންޓް ނިންމާލާފައިވާ ކަމަށްވެސް ބުންޏެވެ.
މީގެ އިތުރުން ތިން މަގެއްގައި ކާބް ސްޓޯންޖެހުމާއި ހަތަރު މަގެއްގައި ދުވާރުގެ މަސައްކަތްތަކުގެ އިތުރުން މަގުބައްތި ޖެހުމުގެ މަސައްކަތް ނިންމާލާފައިވާ ކަމަށާއި އެއް މަގެއްގައި ތާރު އެޅުމުގެ ކުރިން އަޅާ އެގްރިގޭޓް ބޭސް ކޯސް (އޭބީސީ) ފަށަލަ އެޅުމުގެ މަސައްކަތް ނިންމާލާފައިވާ ކަމަށްވެސް އާރުޑީސީން ބުންޏެވެ.
އެ ކުންފުނިން ބުނީ، އިތުރު މަގެއްގައި އޭބީސީ ފަށަލަ އެޅުމުގެ 75 ޕަސެންޓް ނިންމާލާފައިވާ ކަމަށެވެ. އަދި ގެވެހިމަގުގައި އޭބީސީ ފަށަލަ އެޅުމަށާއި ބީޗް ރޯޑްގައި ކާބްސްޓޯން ޖެހުމަށާއި ކީވޯލް ޖެހުމުގެ މަސައްކަތުގެ އިތުރުން އަމީނީމަގުގައި ސަބް ބޭސްގެ މަސައްކަތް ކުރުމަށް ތައްޔާރުވަމުން އަންނަ ކަމަށްވެސް ބުންޏެވެ.

ގުޅުންހުރި
ޓޫރިސްޓެއްގެ އަތުން ވަޒަންތަކެއް ފެނިގެން ހައްޔަރުކޮށްފި
ދިރާސީ އާ އަހަރު ފަށާނީ ހޯމަ ދުވަހު
ހާއްސަ އެހީއަށް ބޭނުންވާ ކުއްޖަކަށް ޖިންސީ ގޯނާކުރި މީހަކު ހައްޔަރުކޮށްފި
ތަފާތު ކުޅުމެއް ދައްކައި ޓީއެފްޓީން ޓީސީ ބަލިކޮށްފި, އެލްޓީ ކަޓުވާލައި ލޮރެންޒޯ
ގަދަ ހިފުމުގައި ބީޖީ ކަޓުވާލުމަށްފަހު އެންމެ ފަހުގެ ރަނަރަޕް ސީކޭ ސެމީއަށް
ޓްރަމްޕް ޑިއުޓީ ބޮޑުކުރި ތަންތަނުގެ ތެރޭގައި ފަޅު ރަށްތަކެއް، އެތާ އުޅެނީ