މިއަންނަ ޖުލައި މަހުގައި މޯލްޑިވްސް ނެޝަނަލް ޔުނިވާސިޓީ (އެމްއެންޔޫ)ގެ ޕްރޮގްރާމްތަކެއްގެ ގޮތުގައި ފިޝަރީޒް ކޮލެޖުގެ ކިޔެވުން ފެށިގެންދާނެ ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެ އެވެ.
”އަދަދު“ ނޫހަށް ދެއްވި އިންޓަވިއެއްގައި ޝިޔާމް ވިދާޅުވީ ސަރުކާރުގެ މަގުސަދަކީ ފިޝަރީޒް ކޮލެޖޭ ކިޔާފައި ބޯޑެއް އެޅުވުމުގެ ބަދަލުގައި ފިޝަރީޒްއާ ގުޅުންހުރި ޕްރޮގްރާމްތައް އެމްއެންޔޫއާ ގުޅިގެން ކުރިއަށް ގެންދިޔުމަށް ކަމަށެވެ.
”މިވަގުތު ބޭނުންވަނީ އެމްއެންޔޫގެ ޕްރޮގްރާމްތަކެއް ގޮތުގައި މި ޕްރޮގްރާމްތައް ކުރިއަށް ގެންދަން. އަޅުގަނޑުމެންނަށް ކޮލެޖޭ ކިޔާފައި ބޯޑެއް އެޅުވިދާނެ. އަޅުގަނޑުމެން ބޭނުން އެހެން ގައުމުތަކުގެ އަދި ޔުނިވާސިޓީތަކުގެ އެފިލިއޭޝަން. އެ މަސައްކަތް އެބަދޭ ކުރިއަށް,“ ޝިޔާމް ވިދާޅުވި އެވެ.
”ޖުލައި މަހު ފިޝަރީޒް ކޮލެޖުގެ ޕްރޮގްރާމްތައް އަންނައިރުިގައި މާސްޓާ ފިޝަމަން އާ ހިސާބަށް, ފިޝަރީޒް މެނޭޖްމަންޓާއި އެޑްމިނިސްޓްރޭޓިވްލީ ކުރަންޖެހޭ ކަންތައްތަކާއި ފައިނޭޝަލް މެނޭޖްމަންޓާއި, ދޯންޏެއްގެ ހުރިހާ ކަމެއް ހިމެނޭ ގޮތަށް ކަރިކިއުލަމް ތައްޔާރުކުރުމުގެ މަސައްކަތް ކުރިއަށް ދަނީ,“
އެމްއެންޔޫގައި ފިޝަރީޒް ކޮމްޕޯނެންޓް ގާއިމު ކުރުމުގެ މަސައްކަތް ކުރަމުންދާ ކަމަށާއި އެ މަސައްކަތުގައި ތައުލީމީ ދާއިރާގެ ބޭފުޅުންނާއި ފިޝަރީޒް މިނިސްޓްރީގެ ޓެކްނިކަލް މުވައްޒަފުން ބައިވެރިވަމުންދާ ކަމަށް ޝިޔާމް ވިދާޅުވިއެވެ.
ގުޅުންހުރި
ދޮގާއި ދޮގު ހަބަރު ފެތުރުމަކީ ދިވެހި މުޖުތަމައުގައި މޫލާފައި އޮތް ބޮޑު
ގުރުއާން ހިތުދަސް ކުރި 28 ހާފިޒަކަށް ރައީސްގެ ހާއްސަ މެޑަލް ދީފި
މަރާމާތަށްފަހު އާސަހަރާ މިސްކިތާއި ހިނަވާގެ ހުޅުވައިފި
އަމިނަތު ހުސައިން ފިޝަރީޒްއަށް، ނަމްޒާ ޔޫތްއަށް ބަދަލުކޮށްފި
އަންނަ އާދީއްތަ ދުވަހު ރައީސް، އިންޑިއާއަށް ވަޑައިގަންނަވަނީ
އަނބިދަރީންނަށް އަޅައިނުލުމަކީ އަނިޔާއެއް އަދި ހަރާމް ކަމެއް, ގިޔާމަތް ދުވަހުން ސުވާލު