ދެ ފުލުހަކަށް ވަޅިން ބިރު ދެއްކި މައްސަލައެއްގައި ތިން މީހަކު ހައްޔަރުކޮށްފި

ވަޅިއަކުން ދެ ފުލުހަކަށް ބިރު ދެއްކި މައްސަލައެއްގައި ތިން މީހަކު ހައްޔަރުކޮށްފި އެވެ

ފުލުހުން މިއަދު ބުނީ ރޭ 10:00 ހާއިރު ކުލަހެދުމުގައި ތިބި ދެ ފުލުހަކަށް ވަޅިން ބިރު ދައްކައި މާރާމާރީ ހިންގި މައްސަލައާ ގުޅިގެން ހައްޔަރުކުރީ 35 އަހަރުގެ މީހަކާއި 39 އަހަރުގެ ދެ މީހެއް ކަމަށެވެ.

ނަމަވެސް އެ މީހުން ވަޅިން ބިރު ދެއްކީ ކީއްވެގެން ކަމެއް ނޭނގެ އެވެ.

ފުލުހުން ބުނީ އެ މީހުން ހައްޔަރުކުރި ގޮތާ މެދު ޝަކުވާތަކެއް ލިބިފައިވާތީ ފުލުހުންގެ ޕްރޮފެޝަނަލް ސްޓޭންޑާޑްސް އިން އެކަން ބަލަމުންދާ ކަމަށެވެ.