ގެނބެމުންދިޔަ ފަތުރުވެރިޔަކު ސަލާމަތްކުރަން ފޭބި ދިވެއްސަކު ނިޔާވެއްޖެ

އދ. ސެންތާރާ ރިސޯޓުގެ މޫދަށް އެރި އުޅެނިކޮށް ގެނބެމުންދިޔަ ފަތުރުވެރިޔަކު ސަލާމަތްކުރަން ފޭބި އެ ރިސޯޓުގެ ދިވެހި މުވައްޒަފަކު ނިޔާވެއްޖެ އެވެ.

މައުލޫމާތު ލިބިފައިވާ ގޮތުގައި އެ ހާދިސާގައި ނިޔާވެފައިވަނީ އުމުރުން 39 އަހަރުގެ އަފްސަލް ނަމަކަށް ކިޔާ ދިވެއްސެކެވެ.

ފުލުހުން ބުނީ، އޭނާ ދަނގެތި ހެލްތް ސެންޓަރަށް ގެންދިޔައިރުވެސް ނިޔާވެފައިވާ ކަމަށް އެ ސެންޓަރުން މައުލޫމާތު ދީފައިވާ ކަމަށެވެ.

މައުލޫމާތު ލިބިފައިވާ ގޮތުގައި ގެނބެމުން ދަނިކޮށް ސަލާމަތް ކުރީ ޗައިނާ ފަތުރުވެރިއެކެވެ. އޭނާގެ ހާލު ރަނގަޅު ކަމަށް ފުލުހުން ބުނެ އެވެ.