އުރުދުންގެ މިނިވަން ދުވަހުގެ ތަހުނިޔާ ރައީސް ފޮނުއްވައިފި

އުރުދުންގެ މިނިވަން ދުވަހުގެ ތަހުނިޔާ އެ ގައުމުގެ ރަސްގެފާނު އަބްދުﷲ ބިން ހުސައިން އަދި ބޮޑުވަޒީރު ބިޝަރު އަލްހަސަވުން އަށް ރައީސް ޑރ. މުހައްމަދު މުއިއްޒު ފޮނުއްވައިފިއެވެ.

ރަސްގެފާނު އަބްދުﷲ އަދި ބޮޑުވަޒީރު އަލްހަސަވުންއަށް ވަކިވަކިން ފޮނުއްވި މެސެޖުގައި ރައީސް މުއިއްޒު ވިދާޅުވީ ދިވެހި ސަރުކާރާއި ރައްޔިތުންނާއި ‌‌‏އެ މަނިކުފާނުގެ އަމިއްލަ ނަންފުޅުގައި އުރުދުންގެ ސަރުކާރަށާއި ރައްޔިތުންނަށް އެ ގައުމުގެ މިނިވަން ދުވަހުގެ ތަހުނިޔާއާއި ހެޔޮ އެދުންތައް ފޮނުއްވާފައިވެއެވެ.

ރައީސް މުއިއްޒު ފޮނުއްވި އިތުރަށް އެ މަނިކުފާނު ވިދާޅުވީ ކުރިއަށް އޮތް ދުވަސްތަކުގައި ދެ ގައުމުގެ ގުޅުން އިތުރަށް ބަދަހިވެގެންދާނެކަމަށް އުއްމީދު ކުރައްވާކަމަށް ވިދާޅުވިއެވެ.

ރަސްގެފާނު އަބްދުﷲ އަދި ބޮޑުވަޒީރު އަލްހަސަވުން ފުރިހަމަ ސިއްހަތެއްގައި ލެހެއްޓެވުމަށާއި އުރުދުންއަށް ފާގަތި އުޖާލާ ކުރިމަގެއް އައުމަށް އެދިވަޑައިގަންނަވާ ކަމަށް ރައީސް ވިދާޅުވިއެވެ.