އިޒްރޭލުން ފަލަސްތީނަށް ދެމުންދާ ހަމަލާތަކާ ގުޅިގެން ސަލާމަތްތެރިކަން ބޭނުންވެފައި ހުރި އިތުރު ކުއްޖަކު ސަލާމަތްކޮށް ރާއްޖެ ގެނެސްފި އެވެ.
އުމުރުން 17 އަހަރުގެ ނަދާ ކިޔާ އެ އަންހެން ކުއްޖާ ރާއްޖެ ގެނައީ އެހީ ފޯރުކޮށްދޭ ޖަމާއަތެއް ކަމަށްވާ, ’ހިދުމަތް‘ ޖަމިއްޔާ އިންނެވެ. އެ ކުއްޖާއަކީ މަޝްހޫރު ދިވެހި ގާރީ, އަބްދުއްސައްތާރު އަބޫބަކުރުގެ އާއިލާއާ ގުޅުން ހުރި ކުއްޖެކެވެ.
ހިދުމަތް ޖަމިއްޔާ އިން ބުނި ގޮތުގައި ނަދާގެ ކިޔެވުމުގެ ހަރަދު ވެސް ދިވެހިން ދޭ އެހީ އިން ހަމަޖައްސައިދޭނެ އެވެ.
”މިއަދު ދިވެހި ރައްޔިތުންގެ ދީލަތި އެހީތެރިކަމުން ނަދާއަށް ތިޔަ ދައްކުވައި ދިނީ، އަހަރުމެން އެންމެންނަކީ ލޯތްބާއި އަޅާލުމާއި އޯގާތެރިކަމުގެ މައްޗަށް އެކުލެވިގެންވާ އެއްއުންމަތެއް ކަމެވެ. ނަދާއަށް މިއަދު މި ދޮންވެލި ގޮނޑުދޮށްތަކުގެ ހިމޭންކަމުން މަރުޙަބާ މިކިޔަނީ، އަޅުގަނޑުމެންގެ އަމިއްލަ ލޭހިނގާ އުޚްތަކަށް މަރްޙަބާ ކިޔާނެ ލޯތްބާއި އޯގާތެރިކަމާއި އެކުގައެވެ.“ ހިދުމަތް ޖަމިއްޔާގެ ފޭސްބުކް ޕޯސްޓެއްގައި ލިޔެފައިވެ އެވެ.
މީގެ ދުވަސްކޮޅެއް ކުރިން ފަލަސްތީނުގެ ގާޒާގެ އާއިލާއެއްވެސް ވަނީ ރާއްޖެ ގެނެސްފަ އެވެ. އިންޓަނޭޝަނަލް އެއިޑް ކެމްޕޭން (އޭއައިސީ) އަށް ދިވެހިން ދޭ އެހީގައި ރާއްޖެ ގެނައީ ރާއްޖޭގެ އިސްލާމިކް ޔުނިވަސިޓީގެ ޕްރޮފެސަރެއް ކަމަށްވާ ޑރ. ހަސަން އަލް ކުރުދީގެ އާއިލާގެ ފަސް މެމްބަރުންނެވެ.
ގުޅުންހުރި
އިންޑިއާއިން ދިން މެހެމާންދާރީއަށް ރައީސްގެ ޝުކުރު، ވިދާޅުވީ ގުޅުން ވަރުގަދަ ކުރައްވާނެ
އިސްލާމީ މަރުކަޒުގެ މަސްފެންގަނޑު މަރާމާތު ކޮށްދޭން ސްޓެލްކޯ އިން ޝައުގުވެރިކަން ފާޅުކޮށްފި
ބައްސާމްގެ އެޕާޓްމަންޓުގެ މައްސަލަ: އިއްޔެ ނިންމީ މުއްދަތު އިތުރު ކޮށްދޭން، މިއަދު
އައްޑޫގައި، އިންޑިއާގެ ކޮންސިއުލޭޓެއް ގާއިމުކުރުމާ ގުޅޭގޮތުން މަޝްވަރާކޮށްފި
މޯދީ، ރާއްޖެ ވަޑައިގަތުމަށް ރައީސް މުއިއްޒު ދައުވަތު ދެއްވައިފި
ޑިފޯލްޓް ވެދާނެކަމަށް ހީވި ސުކޫކަށް 25 މިލިއަން ޑޮލަރު ދައްކައިފި