އެކިއެކި ވިހަ މާއްދާތަކާއި ގްރޯތް ހޯމޯންގެ މާއްދާތައް އެކުލެވޭ ތަރުކާރީއާއި މޭވާތައް ކެވިގެން ރާއްޖޭގެ އަންހެން ބޭފުޅުންގެ ރީތިކަަމަށް ބުރޫ އަރާ ކަމަށް ވިދާޅުވެ، ރައްޔިތުންގެ މަޖިލީހުގެ މައްޗަންގޮޅި އުތުރު ދާއިރާގެ މެންބަރު އިބްރާހީމް މުހައްމަދު (އިއްބެ ޖަނަބް) މިއަދު ކަންބޮޑުވުން ފާޅުކުރައްވައިފި އެވެ.
އޭނާ އެ ކަންބޮޑުވުން ފާޅުކުރެއްވީ ސިއްހީ ހިދުމަތް ދިނުމުގެ ގާނޫނަށް ބަދަލުތަކެއް ގެންނަން ސަރުކާރުގެ ފަރާތުން ހެންވޭރު ދެކުނު ދާއިރާގެ ޕީއެންސީ މެންބަރު ހުސައިން އިމްރާން ލަތީފު ހުށަހެޅުއްވި ބިލަށް މަޖިލީހުގެ މިއަދުގެ ޖަލްސާގައި ބަހުސް ކުރައްވަމުންނެވެ.
”އެއްވެސް ބޭފުޅަކަށް ވިހައެއް، ފުޅިއަކަށް އަޅާފައި ކާންދޭން ބުނެފިއްޔާ ވަރަށް އުނދަގޫވާނެ އެކަން ބަލައިގަންނަން. އެހެން ނަމަވެސް ތަރުކާރީގެ ސިފައިގައި، އެކިއެކި ވިހަ މާއްދާތައް އެކުލަވައިގެން އުފެއްދިފައި ހުރި، ނުވަތަ އެކަށީގެން ނުވާ ގުރޯތު ހޯމޯން، މިދަންނަވާ ތަރުކާރީ މޭވާގެ ތެރޭގައި ހިމެނިގެން އައިސް އެ ކެވިގެން، އޭގެ ނަތީޖާއެއްގެ ގޮތުން، ވަރަށް ޅައުމުރުގައި އަންހެން ބޭފުޅުންގެ މޫނުމަތީގައި ފެންނަން ނުޖެހޭ އިސްތަށި ފެނި، އެފަރާތްތަކުގެ ރީތިކަަމަށް ބުރޫއަރައިގެން ދިއުމަކީ ހަމަ ފެންނަ ކަމެއް،“ އިއްބެ ވިދާޅުވި އެވެ.
އޭނާ ވިދާޅުވީ، ޅައުމުރުގެ ކުދިންނަށް އެ މައްސަލަ ކުރިމަތިވާތީ އެކަމުގެ ސަބަބުން އެ ކުދިން ބުލީގެ ޝިކާރައަކަށްވާ ކަަމަށެވެ. އެއީ ވަރަށް ދެރަ ކަމެއް ކަަމަށާއި އެއީ ވިޔަ ނުދޭން މަސައްކަތް ކުރަންޖެހޭ ކަމެއް ކަމަށްވެސް ވިދާޅުވި އެވެ.
ގުޅުންހުރި
ޝަރުއީ ދާއިރާއަށް ކުރިމަތިވަމުން އައި ހުރަސްތައް ހިރާސްތަކަކަށް ބަދަލުވެއްޖެ: އުއްތަމަ ފަނޑިޔާރު
ގްރީނަށް ޖޫރިމަނާއަކާއެކު ފިޔަވަޅު އަޅައިފި، ވެލެންސިއާއިން ނިންމުން ބަލައެއް ނުގަތް
މަރުވި ދެ ގައިދީންގެ ޕޯސްޓްމޯޓަމް ހަދަނީ
ސީރިއާއަށް ދަތުރުުކުރުން ހުއްދަކޮށް، ޓެރަރިސްޓް ލިސްޓުން އެޗްޓީއެސްގެ ނަން އުނިކޮށްފި
މަރުގެ މައްސަލައިގައި ހައްޔަރުކުރި ލަންކާ މީހާ ފިލައިގެން ދާން އުޅުނުކަމުގެ ތުހުމަތު
ބޭބީބަޔޯ ފޯމިއުލާގައި ވިހަ މާއްދާއެއް، ރާއްޖެއަށް އެތެރެކުރުމާއި ވިއްކުން މަަނާކޮށްފި