ހިޖުރީ އާ އަހަރާ ގުޅުވައިގެން ގެފުޅުގެ އުރަކޮޅު ބަދަލުކޮށްފި

ހިޖުރީ އާ އަހަރާ ގުޅުވައިގެން ގެފުޅުގެ ”ކިސްވާ“ ނުވަތަ އުރަކޮޅު ބަދަލުކޮށްފި އެވެ.

ހިޖުރީ އާ އަހަރާ ގުޅުވައިގެން ކިސްވާ ބަދަލުކުރުމުގެ މަސައްކަތް ފެށީ މިއަދު ފަތިހު އެވެ. އެ ރަސްމިއްޔާތުގައި ބޮޑު މިސްކިތާއި ކީރިތި ރަސޫލާގެ މިސްކިތުގެ ކަންކަން ބަލަަހައްޓާ ޖެނެރަލް ޕްރެޒިޑެންސީގެ އޮފިޝަލުން ބައިވެރިވެވަޑައިގެންނެވި އެވެ.

ކިސްވާ ތައްޔާރު ކުރަނީ ރަނާއި ރިހީގެ ރޮދިން ވިޔެގެން ލިޔާ ކީރިތި ގުރުއާނުގެ އާޔަތްތަކާއެކު އެންމެ މޮޅު ފަށުވިންނެވެ. މިއަދު އާކުރި ގެފުޅުގެ އުރަކޮޅު ތައްޔާރު ކޮށްފައިވަނީ 1000 ކިލޯގެ ފަށުތްވާއި 120 ކިލޯގެ ރަނާއި 100 ކިލޯގްރާމްގެ ރިހި ބޭނުންކޮށް ގެންނެވެ.

ގެފުޅުގެ އުރަކޮޅު ބަދަލު ކުރުމުގައި އުރަކޮޅު ތައްޔާރުކުރާ ކިސްވާ ފެކްޓަރީ ނުވަތަ ކިންގް އަބްދުލްއަޒީޒު ކޮމްޕްލެކްސްގެ 200 އެއްހާ ޓެކްނީޝަނުންނާއި އިންޖިނިއަރުން ބައިވެރިވެފައިވެ އެވެ.