މާފުށީ ޖަލުގައި ޑުރަގް ގެންގުޅުނު މީހަކު 25 އަހަރަށް ޖަލަށް ލާން ކްރިމިނަލް ކޯޓުން ހުކުމްކޮށްފި އެވެ.
ޖަލުގައި ޑުރަގް ގެންގުޅުނު މައްސަލައިގައި 25 އަހަރަށް ޖަލައި 100،000 ރުފިޔާއިން ޖޫރިމަނާ ކޮށްފައިވަނީ ކ. ގުރައިދޫ/ މިނިވަންއައްސޭރި، މުހައްމަދު ފިޔާޒެވެ. އޭނާގެ މައްޗަށް ދައުލަތުން ކޮށްފައިވަނީ ޑައިމޯފިން ޓްރެފިކް ކުރުމުގެ ކުށުގެ ދައުވާ އެވެ.
ދައުލަތުން ކުރި އެ ދައުވާގެ ހުލާސާގައި ބަޔާންކޮށްފައި ވަނީ، ފިޔާޒް، މާފުށި ޖަލުގައި ހުކުމެއް ތަންފީޒު ކުރަމުން ދަނިކޮށް 5 ޖެނުއަރީ 2016 ގައި އޭނާ ހުރި ޖަލު ގޮޅީގައި ޑުރަގް ގެންގުޅޭ ކަމަށް ތުހުމަތު ކުރެވިގެން ބަލާފާސްކުރި އިރު، އޭނާގެ ބޮކްސާ ތެރެއިން ދެ ކޮޅު ފެނުނު ކަމަށެވެ. އެ ތަކެތީގެ ބަރުދަނުގައި 24 ގުރާމް ހުރި އިރު، ޖަލު ގޮޅި ތެރެއިން ނެގި އެހެން ކޮތަޅެއްގައި 9.8922 ގްރާމުގެ ހުރި ކަމަށް ދައުލަތުން ބުންޏެވެ.
ފިޔާޒްގެ އަތުން ފެނުނު ޑުރަގް ޑައިމޯފިންއަށް ޕޮޒިޓިވްވެފައިވާތީ، އޭނާގެ މައްޗަށް ޑައިމޯފިން ޓްރެފިކްރުމުގެ ކުށުގެ ދައުވާ ކުރީ ކަމަށްވެސް ދައުލަތުން ބުންޏެވެ.
ދައުލަތުން ކުރި އެ ދައުވާއަށް ފިޔާޒް ވަނީ އިންކާރުކޮށްފަ އެވެ.
ނަމަވެސް އެ މައްސަލަ ބެއްލެވި ކްރިމިނަލް ކޯޓުގެ ގާޒީ އާމިނަތު އަޒްލިފާ އޭނާގެ ރައުޔުގައި ވިދާޅުވީ ފިޔާޒު، ދައުވާއަށް އިންކާރު ކުރި ނަމަވެސް ޑުރަގް ފެނުނީ އޭނާ ލައިގެން ހުރި ބޮކްސާގެ ތެރެއިންކަން ހެކިންގެ ހެކިބަހުން ސާބިތުވާތީ އާއި އެ ތަކެތި ހުރީ ފިޔާޒުގެ ބެލުމުގެ ދަށުގައިކަން ސާބިތުވާ ކަމަށެވެ.
އެހެންވެ ގާޒީ ހުކުމް ކުރެއްވީ ފިޔާޒުގެ މައްޗަށް ޑައިމޯފިކް ޓްރެފިކް ކުރުމުގެ ދައުވާ ސާބިތުވާތީ އޭނާ 25 އަހަރަށް ޖަލަށް ލުމަށާއި 100،000 ރުފިޔާއިން ޖޫރިމަނާކޮށް، އެ ފައިސާ އެއް މަސް ދުވަހުގެ ތެރޭގައި މީރާއަށް ދެއްކުމަށެވެ.
22 Comments
ގުޅުންހުރި
މެލޭޝިއާ އިން ރާއްޖެ އައި ދިވެއްސަކު ބައި ކިލޯގެ ޑުރަގާއެކު ހައްޔަރުކޮށްފި
ސައިކަލެއްގެ މަޑިދަށުން 400،00 ރުފިޔާ ވަގަށް ނެގި މައްސަލައެއްގައި ބިދޭސީއަކު ހައްޔަރިކޮށްފި
މާލޭގެ 5 ތަނެއްގައި ބޮން ގޮއްވަން އުޅުނު މައްސަލަ: ވަކީލު ކޯޓަށް
ގިނައިން ރާއްޖެއަށް އަންނަ އިންޑިއާ މީހަކު މަނީ ލޯންޑަރިންގެ ތުހުމަތުގައި ހައްޔަރުކޮށްފި
ކާރު އެކްސިޑެންޓް: ވަކީލެއްގެ ފުރުސަތު ނުދިނުމުން ކާރު ދުއްވި މީހާ މިނިވަންވެއްޖެ
ޝަރީއަތް ނިމެންދެން އަހުތަރު ބަންދުކޮށްފި