އެމްއެމްޕީއާރްސީ ހިޔާނާތުގެ މައްސަލައިގެ ތެރެއިން ކުރީގެ ރައީސް އަބްދުﷲ ޔާމީނާ ގުޅޭ ހިޔާނަތް ބަލާ ކޮމިޝަންގެ ޗެއާއަކަށް ލާންވާނީ އޭނާ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް ވިދާޅުވެއްޖެ އެވެ.
ޔާމީން އިސްވެ ހުންނަވައި އުފެއްދެވި ޕީޕަލް ނެޝަނަލް ފްރޮންޓް (ޕީއެންއެފް)ގެ ޖަލްސާގައި ވާހަކަދައްކަވަމުން ޔާމީން ވިދާޅުވެފައިވަނީ ރައީސް ޑރ. މުހައްމަދު މުއިއްޒު ވަނީ އެމްއެމްޕީއާރްސީ ހިޔާނަތް ތަހުގީގުކުރާނެ ކަމަށް ވިދާޅުވެފައި ކަމަށެވެ. އެ ހިޔާނާތުގެ ފައިސާ ވަނީ އަބްދުއްރަހީމަށް ވެސް ލިބިވަޑައިގެންފައި ކަމަށާއި އެހެންކަމުން ރައީސް މުއިއްޒަށް އެ މައްސަލަ ތަހުގީގު ނުކުރެއްވޭނެ ކަމަށް ޔާމީން ވިދާޅުވެފައިވެ އެވެ.
ވެރިކަންކުރާ މައި ޕާޓީ ޕީއެންސީން މިރޭ ބޭއްވި ޖަލްސާއެއްގައި އެ ޕާޓީގެ ޗެއާޕާސަން ވެސް ކުރައްވާ އަބްދުއްރަހީމް ވަނީ ޔާމީންގެ އެ ވާހަކަތަކަށް ރައްދު ދެއްވައިފަ އެވެ. އަބްދުއްރަހީމް ވިދާޅުވީ ޔާމީން 2013 ގައި ވެރިކަމަށް ވަޑައިގެންނެވިއިރު އެ މަނިކުފާނުގެ އެއްވެސް އެކައުންޓެއްގައި އެއްލައްކަ ރުފިޔާ ވެސް ނުހުންނާނެ ކަމަށެވެ. ނަމަވެސް ވެރިކަމުން 2018 ގައި ފައިބައިވަޑައިގެންނެވިއިރު އެކައުންޓުގައި 500 މިލިއަން ރުފިޔާ ހުރި ކަމަށާއި އެއީ ކޮންތަނަކުން ޔާމީން ހޯދި ފައިސާއެއްތޯ އަބްދުއްރަހީމް ސުވާލު ކުރެއްވި އެވެ.
”އަޅުގަނޑު ރައީސް މުއިއްޒަށް ގޮވާލަން މިރޭ އިއްޒަތްތެރި ރައީސް އޭ ވީހާވެސް އަވަހަކަށް މިނިވަން ކޮމިޓީއެއް ހައްދަވައިދެއްވާށޭ. ހައްދަވާފައި އަޅުގަނޑުގެ މައްސަލަ ބައްލަވަން ހަވާލުކުރާށޭ ކޮމިޓީގެ ޗެއާއަކަށް ލާންވާނީ ރައީސް ޔާމީނޭ. ޑެޕިއުޓީންގެ ގޮތުގައި ތިއްބަވަން ވާނީ ޑރ.ޖަމީލު އާއި މަލީހު. މެންބަރުންގެ ގޮތުގައި ހުސައިން ވަހީދާއި ޕާޕާއާ. އަޅުގަނޑު މިހިރީ ޖަވާބުދާރީވާން ތައްޔާރަށް. އެކަމަކު އެއާއެކީގައި އަނެއް ކޮމިޝަން އުފައްދަވަން ވާނެ. އެ ކޮމިޝަނުގެ ޗެއާއަކަށް އަޅުގަނޑު، ދެން މެންބަރުންނަށް ލާންވާނީ އަޅުގަނޑު ބުނާ ބައެއް އޭރުން އަޅުގަނޑުމެން އެމްއެމްޕީއާރުސީގެ މައްސަލަ ބަލާނަން،“. އަބްދުއްރަހީމް ވިދާޅުވިއެވެ.
އަބްދުއްރަހީމް ވިދާޅުވީ، ޔާމީނާ ގުޅޭ ހިޔާނާތުގެ މައްސަލަތައް ތަހުގީގު ކުރަން ފެށުމުން ދެން ކަންތައްވާނެ ގޮތް އެ މަނިިކުފާނަށް އެނގިވަޑައިގަންނަވާނެ ކަމަށެވެ. އަބްދުއްރަހީމް ވިދާޅުވީ ވާހަކަތައް ދައްކަން ބޭނުންނުވިޔަސް ދުލުގަ ހިފާދަމާނަމަ ވާހަކަތައް ދައްކާނެ ކަމަށެވެ.
ޕީޕީއެމް/ޕީއެންސީގެ ސިޔާސީ ފިކުރާއި ރައީސް މުއިއްޒުގެ ސަރުކާރާ ދުރަށް ޖެހިވަޑައިގަތުމުން، ރައްޔިތުންގެ ތާއީދު ގެއްލި ޔާމީނަށް ޖެހިވަޑައިގަންނަވާނީ ކުރީގެ ރައީސް މުހައްމަދު ނަޝީދުއާއި ކުރީގެ ރައީސް މައުމޫން އަބްދުއްގައްޔޫމަށް ޖެހުނު ހާލު ކަމަށް އަބްދުއްރަހީމް ވިދާޅުވި އެވެ.
ރައްޔިތުން ދަނީ ފިކުރުގެ ފަހަތުން ކަމަށާއި މީހާ ފަހާ ރައްޔިތުން ނުދާނެ ކަމަށް އަބްދުއްރަހީމް ވިދާޅުވި އެވެ. ރާއްޖޭގެ ތިންވަނަ ފިކުރެއް އުފެދިކުރި ނާރާނެ ކަމަށް ވެސް އަބްދުއްރަހީމް ވިދާޅުވި އެވެ.
121 Comments
ގުޅުންހުރި
ޕްރައިމަރީއަކާނުލައި ނެތި ރިޔާސީ ޓިކެޓް ރައީސްއަށް ލިބިވަޑައިގަންނަވާނެ: އަބްދުއްރަހީމް
ފުރުސަތު ލިބުނަސް ރައީސުލްޖުމްހޫރިއްޔާގެ މަގާމަށް ވާދަނުކުރައްވާނަން: އަބްދުއްރަހީމް
ޕީއެންސީ އިންތިހާބު: ދެ ކެންޑިޑޭޓެއްގެ މެދުގައި ހަމަނުޖެހުން ހިންގައި ވޯޓު ފޮށި
މިއަދު އެ ފެނުނީ ޕީއެންސީގެ މެންބަރުން އަމިއްލަ މަސްލަހަތު ކުރިއަށް ނުނެރޭނެކަން:
ބަޖެޓް ބަހުސް މިއަދު ނިންމައިލަނީ
ގޭގައި ހުރެގެން ޔާމީން ދައްކާ ވާހަކަތަކަށް ރައްދު ދޭކަށް ނެތިން، ހުންނާނީ