ޕްރޮސިކިއުޓާ ޖެނެރަލްގެ މަގާމަށް ރައީސް އޮފީހުގެ ސެކްރެޓެރީ ޓު ދަ ޕްރެޒިޑެންޓް އޮން ލީގަލް އެފެއާޒް އައްބާސް ޝަރީފް އައްޔަން ކުރެއްވުމަށް އޭނާގެ ނަން ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް ފޮނުވައިފި އެވެ.
ހުސްވެފައިވާ ޕީޖީގެ މަގާމަށް ބޭފުޅަކު އައްޔަންކުރުމަށް ދައުރުން ބޭރުން ރައްޔިތުންގެ މަޖިލީހުގެ ޖަލްސާއެއް މިރޭ ވަނީ ބާއްވައިފަ އެވެ.
މިރޭގެ ޖަލްސާގައި މަޖިލީހުގެ އަމީން އާންމު ފާތިމަތު ނިއުޝާ ރައީސް ޑރ. މުހައްމަދު މުއިއްޒުގެ ސިޓީފުޅު އިއްވައި ނިމުމުން، މަޖިލީހުގެ ރިޔާސަތުގައި އިންނެވި މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ އައްބާސްގެ ނަން މަޖިލީހުގެ ޖުޑިޝަރީ ކޮމިޓީއަށް ފޮނުވާނެ ކަމަށެވެ.
ޖުޑިޝަރީ ކޮމިޓީގެ ބައްދަލުވުމުން މިރޭ ބާއްވާއިރު އެ ބައްދަލުވުމުގައި އައްބާސްގެ ޕީޖީގެ މަގާމަށް އައްޔަންކުރުމާމެދު ގޮތެއް ނިންމާނެ އެވެ.
އައްބާސަކީ ޔުނިވާސިޓީ އޮފް ޓެސްމޭނިއާއިން ގާނޫނީ ދާއިރާގެ މަތީ ތައުލީމު ހާސިލުކުރައްވާފައިވާ ބޭފުޅެކެވެ. 2011 ވަނަ އަހަރުން ފެށިގެން 2015 ވަނަ އަހަރާ ހަމައަށް އައްބާސް ވަނީ ހައި ކޯޓުގެ ފަނޑިޔާރުކަން އަދައިކުރައްވައިފަ އެވެ.
އަދި ވަނީ ކުރީގެ ރައީސް މައުމޫން އަބްދުއްގައްޔޫމާއި، ކުރީގެ އަބްދުﷲ ޔާމީން އަބްދުލްގައްޔޫމުގެ ވަކީލުކަން ކުރައްވައިފަ އެވެ.
ގުޅުންހުރި
ޕްރޮސިކިއުޓާ ޖެނެރަލްގެ މަގާމަށް އައްބާސް ޝަރީފު އައްޔަން ކުރައްވައިފި
މަޖިލީހުގެ ތިންވަނަ ދައުރު ފަށާނީ އަންނަ މަހުގެ 7 ގައި
އަވައްޓެރި ޤައުމުތަކަށް އަބަދުވެސް އިހުތިރާމް ކުރާނަން، ސިޔާސީކޮށް ވާހަކަ ފެތުރުން ހުއްޓާލަންޖެހޭ:
ތިނަދޫ ކައުންސިލުން ފިތުނަވެރި ކަންކަން ނުކުރުމަށް މެންބަރު ސައުދުﷲ އެދިވަޑައިގެންފި
ކޮރަޕްޝަންގެ ތުހުމަތުވާ ޓެކްސް ޓްރައިބިއުނަލްގެ 4 މެންބަރުން ވަކިކޮށްފި
ޖަލަށް ޑްރަގާއި ފޯނު ވައްދައިދިން ކަރެކްޝަންގެ ފަސް އޮފިސަރެއްގެ މައްޗަށް ދައުވާކޮށްފި