އަމީނީ މަގުގެ ތަރައްގީ ކުރުމުގެ މަޝްރޫއުގެ ދަށުން ލެގޫންސް ފުޓްސަލް ދަނޑު ކައިރީގައި ޕަންޕް ސްޓޭޝަންގެ ވެލްވް ޗެމްބަރާއި ޕެނަލް ބޯޑު ހަރުކުރުމުގެ މަސައްކަތް ކުރަމުން އަންނަ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފި އެވެ.
އަމީނީ މަގު ތަރައްގީ ކުރުމުގެ މަޝްރޫއުއަކީ ވާރޭވެހޭ މޫސުމުގައި މާލޭގައި ދިމާވާ ފެންބޮޑުވުމުގެ މައްސަލަ ހައްލުކުރުމަށް ހިންގާ މަޝްރޫއެކެވެ.
އެ މަޝްރޫއުގެ ދަށުން ގާއިމުކުރާ ޕަމްޕް ސްޓޭޝަންތަކުގެ ޕެނަލް ބޯޑު ހަރުކުރުމާއި ޕަމްޕް ސްޓޭޝަންގެ އެހެނިހެން މަސައްކަތް ކުރިއަށްދަނީ ކޮންސްޓްރަކްޝަން މިނިސްޓްރީ އާއި އާރުޑީސީއާ ގުޅިގެންނެވެ.
ދައުލަތުގެ ބަޖެޓުން 84 މިލިއަން ރުފިޔާ ހަރަދުކޮށްގެން އަމީނީ މަގު ހެދުމުގެ މަސައްކަތް ފެށީ މިދިޔަ އަހަރު ޖުލައި މަހުގެ ކުރީކޮޅެވެ. އަދި އަމަލީ މަސައްކަތް ފެށީ މިދިޔަ އަހަރުގެ އޮކްޓޯބަރުގަ އެވެ. އެ މަސައްކަތް ސެޕްޓެމްބަރު މަހުގެ ނިޔަލަށް ނިންމަން ކުރީގެ ސަރުކާރުން މަސައްކަތް ކުރި ނަމަވެސް، ވެރިކަން ނިމުނީ އެ މަސައްކަތް ނުނިމި އެވެ.
ގުޅުންހުރި
މާލީ ހާލަތުން އަރައިގަތުމަށް ސަރުކާރަށް އެއްބާރުލުން ދޭން ނިންމި ފުރަތަމަ ކުންފުންޏަކަށް
ހުޅުދުއްފާރު މަގުތަކުގައި ތާރު އެޅުމަށް އާރްޑީސީން ތައްޔާރުވަނީ
މަސައްކަތް ފަށައިފައިވާ މަޝްރޫއުތައް މަޑުޖައްސާލަން އަންގާފައިނުވާނެ: މުއްތަލިބު
ތިނަދޫގެ މަގު ހެދުމުގެ ދެވަނަ ފިޔަވަހި ނިންމާލައިފި
މާލެއާއި ވިލިމާލޭގެ މަގުތައް ތަރައްގީކުރަން ޗައިނާއާއެކު ސޮއިކޮށްފި
ހަނިމާދޫ އެއާޕޯޓުގެ 67.5 ޕަސެންޓް ނިމިއްޖެ، އަންނަ މާޗަށް ނިމޭނެ