މާލެއަށް މިއަދު ބޯކޮށް ވާރޭވެހި ފެންބޮޑުވުމާ ގުޅިގެން އެހީއަށް އެދި 400 ކޯލް ލިބުނު ކަމަށާއި އޭގެތެރެއިން އެންމެ ބޮޑަށް ގެއްލުންވި 35 ގެއެއްގެ މީހުންނަށް އެހީތެރިކަން ފޯރުކޮށްދެމުންދާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން މިރޭ ބުނެފި އެވެ.
އެންޑީއެމްއޭ އިން ގިނަ މީހުން ގުޅައިފައި އެހީއަށް އެދިފައިވަނީ ފެންބޮޑުވުމާ ގުޅިގެން ވެލި ބަސްތާ ޖެހުމަށް ކަމަށެވެ.
މި ކޯލްތަކުގެ ތެރެއިން ރެޕިޑް އެސެސްމަންޓް ހެދުމަށް ފަހު އެންމެ ބޮޑަށް ހާލުގައި ޖެހިފައިވާ 35 ގޭގެ މީހުންނަށް އެހީތެރިކަން ފޯރުކޮށްދެމުން އަންނަ ކަމަށާއި މި ގެތަކުގައި ހިމެނޭ މީހުންގެ ތެރެއިން އެހެން ތަންތަނަށް ބަދަލުކުރަން ޖެހޭ މީހުން ބަދަލުކުރުމުގެ މަސައްކަތް ކުރަމުންދާ ކަމަށް އެންޑީއެމްއޭއިން ބުންޏެވެ.
މިއަދު މާލެއަށްކުރި ވިއްސާރައިގައި މުޅި މާލޭގައި ވަނީ ފެންބޮޑުވެފައެވެ. ފެން ހިންދުމުގެ މަސައްކަތް އެމްއެންޑީއެފުން ކުރަމުންދާއިރު އަދިވެސް ގިނަ މަގުތަކުން ފެން ހިނދިފައިނުވެއެވެ.
އެމްއެންޑީއެފުން މިރޭ ބުނީ މާލޭގެ މަގުތަކުން 10،000 އެއްހާ ޓަނުގެ ފެން ބެއިރުކޮށްފައިވާ ކަމަށެވެ.
ގުޅުންހުރި
ރައީސްގެ އާ ހިޔާލެއް: ކައުންސިލަރުންގެ އަދަދު މަދުނުކޮށް، ސިޓިން އެލަވަންސެއް ދިނުން
ބިޕާޝާގެ އުފަން ދުވަސް ފާހަގަކުރީ ރާއްޖޭގައި، އެންމެ ލޯބިކޮށް ތަހުނިޔާ ކިއީ
ސަރުކާރުގެ އަމާޒު: ރޯދަމަސް އައުމުގެ ކުރިން ހުރިހާ ރަށެއްގެ ކަރަންޓު މައްސަލަ
ހުނަރާއި ތަޖުރިބާ ހޯދައި ދޭން އާރުޑީސީން ހިންގާ ޕްރޮގްރާމްގެ ތިންވަނަ ބުރު
ވޭޕް މަނާކޮށް، ސިނގިރޭޓު އަގުބޮޑުކުރީ ދަތިކުރާކަށް ނޫން، އެކަމުގެ ނިޔަތް ވަރަށް
މާލޭގެ ގެއެއްގެ ތެރެއިން މަރުވެފައި އޮތް މީހަކު ފެނިއްޖެ