ހިޖްރަ ގްރޫޕަށް ހަރުކަށި ފިޔަވަޅުތަކެއް، އެއް ލައްކަ ރުފިޔާ އިން ޖޫރިމަނާކޮށް ހުއްދަ ހިފަހައްޓައިފި

އަލް-ހިޖްރަ ޓްރެވެލްސް އެންޑް ޓުއާސް އިން މިދިޔަ ޑިސެމްބަރު މަހު އުމްރާއަށް ގެންދިޔަ މީހުން ހާލުގައި ޖެހުނު މައްސަލައިގައި އެ ގްރޫޕު އެއް ލައްކަ ރުފިޔާ އިން ޖޫރިމަނާކޮށް، އުމްރާއަށް މީހުން ގެންދިއުމަށް އެ ކުންފުންޏަށް ދޫކޮށްފައިވާ ހުއްދަ ހިފަހައްޓައިފި އެވެ.

މައުލޫމާތު އެނގޭ މީހަކު ނަން ނުޖަހާ ގޮތަށް މި ނޫހަށް މައުލޫމާތު ދިން ގޮތުގައި އަލްހިޖުރަގެ ހަވާލުގައި އުމްރާއަށް 24 މީހަކު ދިޔަ އެވެ. އޭގެ ތެރޭގައި އެ ގުރޫޕަށް ނިސްބަތްވާ ހަ މީހަކުވެސް ހިމެނޭ ކަމަށް ބުންޏެވެ.

މި ނޫހަށް އެނގިފައިވާ ގޮތުގައި އަލްހިޖުރަ ގުރޫޕުގެ ހަވާލުގައި ދިޔަ މީހުން އަނބުރާ ރާއްޖެ ނާދެވި ސައުދީގެ މައްކާގައި ތާށިވީ، ރިޓާން ޓިކެޓު ގަންނަން ހުރި ފައިސާ އެ ގުރޫޕުން އެހެން ކަންކަމަށް ބޭނުންކުރުމުން ޓިކެޓު ނުނެގިގެންނެވެ.

އެ މައްސަލައިގައި އިސްލާމިކް މިނިސްޓްރީން މިއަދު ބުނީ ހިޖްރާ ގްރޫޕުން ޑިސެމްބަރު އުމްރާއަށް ގެންދިޔަ އުމްރާވެރިން ފައިސާ ދެއްކިޔަސް އެ ފައިސާ ކުންފުނީގެ އެހެން ކަމަކަށް ބޭނުން ކޮށްފައިވާ ކަމަށް އެ ކުންފުނިން އިއުތިރާފު ވެފައިވާ ކަމަށެވެ.

އެހެންވެ އެ ކުންފުންޏާ ދެކޮޅަށް ފިޔަވަޅުތަކެއް އަޅައި އެ މައްސަލައިގައި ގާނޫނީ ފިޔަވަޅު އެޅުމަށް ފުލުހަށް ހުށަހަޅާފައިވާ ކަމަށް ބުންޏެވެ.

ހިޖްރާ ގްރޫޕާ ދެކޮޅަށް ހުށަހެޅި ފިޔަވަޅުތައް:

މިނިސްޓްރީން ބުނީ އެ ފިޔަވަޅުތައް ތަންފީޒުކުރުމަށް ކުރަންޖެހޭ އިދާރީ ކަންކަމާއި ގާނޫނީ މަސައްކަތްތައް ފަސް ޖެހުމެއް ނެތި ކުރާނެ ކަމަށެވެ.