ސައުތު ކޭޓަރިންގެ މުވައްޒަފުންނަށް މުސާރަ ނުދޭ މައްސަލަ ފުލުހުން ބަލަނީ

ސައުތު ކޭޓަރިންގައި މަސައްކަތް ކުރާ މުވައްޒަފުންނަށް ގަވާއިދުން މުސާރަ ނުދޭ ކަމަށް ބުނާ މައްސަލަ ފުލުހުން ބަލަން ފަށައިފި އެވެ.

ފުލުހުން މިއަދު ބުނ ސައުތް ކޭޓަރިންގެ މުވައްޒަފުންނަޑށް މުސާރަ ނުދޭ މައްސަލަ އެ އިދާރާގެ ސަމާލުކަމަށް އައިސްފައިވާ ކަމަށެވެ.

”ސައުތު ކޭޓަރިންގެ މުވައްޒަފުންތަކަކަށް މުސާރަ ޤަވައިދުން ނުދޭ މައްސަލަ ފުލުހުންގެ ސަމާލުކަމަށް ވަނީ އައިސްފައި. މި މައްސަލަ އާއި ގުޅިގެން ބަލަންޖެހޭ ކަންކަން ދިވެހި ފުލުހުންގެ ޚިދުމަތުގެ އެންޓި ހިއުމަން ޓްރެފިކިން ޑިޕާޓްމަންޓުން ދަނީ ބަލަމުން.“ ފުލުހުން ބުންޏެވެ

ސައުތު ކޭޓަރިން އަކީ ސައުތު އެންޓަޕްރައިޒެސްގެ ދަށުން ހިންގާ ވިޔަފާރި އެކެވެ. ސައުތު ކޭޓަރިންއަކީ ރާއްޖޭގައި އެންމެ ފުޅާ ދާއިރާއެއްގައި ކޭޓަރިންގެ ހިދުމަތް ދޭ އެއް ވިޔަފާރި އެވެ.

އެ ކުންފުނީގެ ދަށުން މާލެ ސަރަހައްދުގައި ކެފޭ ރެސްޓޯރެންޓު ވެސް ހިންގަ އެވެ.