މި އަހަރުގެ ރަމަޟާން މަހުގެ މުނާސަބަތުގައި ރައީސް ޑރ. މުހައްމަދު މުއިއްޒު އެ މަނިކުފާނުގެ އަމިއްލަ ނަންފުޅުގައްޔާއި ދިވެހި ސަރުކާރާއި ދިވެހި ރައްޔިތުންގެ ނަމުގައި، އިސްލާމީ ގައުމުތަކުގެ ލީޑަރުންނާއި ސަރުކާރުތަކާއި ރައްޔިތުންނަށް ތަހުނިޔާ އަރިސް ކުރައްވައިފި އެވެ.
އިސްލާމީ ގައުމުތަކުގެ ލީޑަރުންނަށް ފޮނުއްވި މެސެޖުގައި އެ މަނިކުފާނު ވަނީ، މި ރަމަޟާން މަހު، އެކުވެރިކަމުގެ ގުޅުންތައް ހަރުދަނާ ކުރެވި، ހިދުމަތްކުރުމުގެ އަޒުމު ވަރުގަދަ ވެގެންދާނޭ ކަމަށް އުއްމީދު ކުރައްވާ ކަމަށް ވިދާޅުވެފައިވެ އެވެ. އަދި އިސްލާމީ ގައުމުތަކުގެ ވެރީންނާއި ރައްޔިތުން ފުރިހަމަ ސިއްހަތެއްގައި ލެހެއްޓެވުމަށާއި ކާމިޔާބީ މިންވަރު ކުރެއްވުމަށް އެދިވަޑައިގެނ ދުއާ ދަންނަވާފައިވެ އެވެ.
ރައީސްގެ މެސެޖުގައި ވަނީ މި ދަނޑިވަޅުގައި ފަލަސްތީނުގެ ގައްޒާ އާއި ހުޅަނގު އައްސޭރީގައި ތިބި މުސްލިމުން ތަހައްމަލު ކުރަމުން ދާ ވޭނަށް ތަސައްލީއެއް ހޯދައިދިނުމުގައި ހަރަކާތް އަވަސްކުރުމަށް އިސްލާމީ އުންމަތަށް އިލްތިމާސް ކުރައްވައިފަ އެވެ. އަދި ފަލަސްތީނުގެ މިނިވަން އަދި އިސްތިގްލާލީ ދައުލަތެއް ގާއިމުކުރެވި، އިރުމަތީ ގުދުސްއަކީ ފަލަސްތީނުގެ ވެރިރަށް ކަމުގައި ކަށަވަރު ކޮށްދެއްވުމަށްވެސް އިލްތިމާސް ކުރައްވާފައިވެ އެވެ.

1 Comment
ގުޅުންހުރި
ރާއްޖޭގެ ފަތުރުވެރިކަމުގެ އެއް ބާނީ އެމްޔޫ މަނިކު އަވަހާރަވެއްޖެ
ރައީސް، ޗައިނާއަށް ފުރާވަޑައިގެންފި
ނޫސްވެރިން އުލުބައިންދަން ފަލާހު ވިދާޅުވި މައްސަލަ ތަހުގީގުކުރަން ޕީޖީގެ ލަފާ ހޯދަނީ
ލައްކައަށް ވުރެ ގިނަ ފައިސާއާއި މަސްތުވާތަކެއްޗާއެކު މީހަކު ހައްޔަރުކޮށްފި
އެމްޑީޕީގެ ޓިކެޓުގައި ކައުންސިލަށް ވާދަކުރަން ހުޅުވާލައިފި
ރަނގަޅު ދަރިންތަކެއް ތަރުބިއްޔަތު ކުރެވޭނީ ދީނާ ދުރު ފިކުރަތައް ގޭތެރެއިން ނައްތާލައިގެން: