ސްރީ ލަންކާގައި އެޑޮޕްޓް ކުރި ދެ އަހަރުގެ ފިރިހެން ކުއްޖަކަށް އަނިޔާކޮށް މަރާލި މައްސަލައެއްގައި އެ ކުއްޖާ އެޑޮޕްޓްކުރި ދެމަފިރިން މަރަން ކޮލަމްބޯ ހައި ކޯޓުން ހުކުމްކޮށްފި އެވެ.
މަލިގަވައްތާގައި 1 މެއި 2018 ގައި ހިނގި އެ ހާދިސާގައި ކުއްޖާ އެޑޮޕްޓްކުރި 35 އަހަރުގެ ދެމަފިރިން މަރަން ކޮލަމްބޯ ހައި ކޯޓުން ހުކުމް އިއްވީ އިއްޔެ އެވެ.
ހުކުމް އިއްވަމުން މައްސަލަ ބެއްލެވި ފަނޑިޔާރު ވިދާޅުވި ގޮތުގައި މި މައްސަލައިގައި ހުކުމް ކުރި ދެމަފިރިން ފުރަތަމަ މަސައްކަތް ކުރީ ކުއްޖާގެ މެޑިކަލް ޓެސްޓުތައް ނަހަދައި ވަޅުލުމަށެވެ. އަދި އެ މައުލޫމާތު ލިބިގެން ފުލުހުން ގޮސް އެކަން ހުއްޓުވައި, ކުއްޖާގެ ޕޯސްޓްމޯޓަމް ހެދި ކަމަށް ވިދާޅުވި އެވެ.
ފަނޑިޔާރު ވިދާޅުވީ, ޕޯސްޓްމޯޓަމް ނަތީޖާ އިން ކުއްޖާއަށް އެކިވަރުގެ އަނިޔާކޮށްފައި ހުރިކަން ސާބިތުވި ކަމަށާއި އެގޮތުން ކުއްޖާގެ ހަށިގަނޑުގެ 90 ތަނަކުން އަނިޔާގެ ނިޝާންތައް ފެންނަން ހުރި ކަމަށެވެ.
ކުއްޖާގެ ހަށިގަނޑުން ފެންނަން ހުރި އަނިޔާތަކުގެ ތެރޭގައި ފިހިފައި ހުރި ނިޝާންތަކަކާއި ތަޅައި އަނިޔާކޮށްފައި ހުރި ނިޝާންތަކެއްވެސް ހުރި އިރު, ކުއްޖާގެ ކުރިމަތި ފަރާތަށްވެސް ބޮޑެތި އަނިޔާތަކެއް ލިބިފައި ހުރި ކަމަށްވެސް ފަނޑިޔާރު ވިދާޅުވި އެވެ.




2 Comments
ގުޅުންހުރި
ސަން ސިޔާމްގެ ފަރާތުން ލަންކާއަށް ދެ ލައްކަ ޑޮލަރު
ބީއެމްއެލުން ލަންކާއަށް އެހީގެ ގޮތުގައި 25،000 ޑޮލަރު
ތޫފާނުގައި ލަންކާ އިން މަރުވި މީހުންގެ އަދަދު 193 އަށް, 200
ލަންކާގެ މުސްކުޅިންގެ ސެންޓަރަކުން 11 މަރު, އެންމެން މަރުވީ ފެންބޮޑުވެ ނުނިކުމެވި
ލަންކާގައި ކުއްލި ނުރައްކަލުގެ ހާލަތު އިއުލާންކޮށްފި
ލަންކާއަށް އެހީވާން 50،000 ޑޮލަރާއި 25،000 މަސްދަޅު ކޭސް ދެނީ