ގާޒާއަށް ފޯރުކޮށްދޭ ކަރަންޓުގެ ހިދުމަތް ކަނޑާލަން ފަލަސްތީނުގެ ބިންތަކަށް ވެރިވެގަނެފައިވާ އިޒްރޭލުން ނިންމައިފި އެވެ.
އިޒްރޭލުގެ ހަކަތައާ ބެހޭ މިނިސްޓަރު އެލީ ކޯހެން އެކްސްގައި ކުރި ޕޯސްޓެއްގައި ބުނީ, ގާޒާ އިން ވަގުތުން ކަރަންޓު ކަނޑާލަން އަމުރެއް ނެރެފައިވާ ކަމަށެވެ.
”ވާހަކަ ދެއްކިއްޖެ, ދެން އޮތީ އަމަލުން އެކަން ދެއްކުން,“ އޭނާ ބުނެފައިވެ އެވެ.
ގާޒާ އިން ކަރަންޓު ކަނޑާލަން ނިންމާފައި މިވަނީ ދެ މިލިއަނަށްވުރެ ގިނަ މީހުން ދިރިއުޅޭ ގާޒާއަށް އެހީގެ ސާމާނު ވެއްދުން އިޒްރޭލުން ހުއްޓާލިތާ ހަފުތާއެއް ފަހުންނެވެ.
އިޒްރޭލުން ގާޒާއަށް މުދާ ވެއްދުން ހުއްޓާލީ ފަލަސްތީނުގެ ހަމާސް ޖަމާއަތާއި އިޒްރޭލުން ގާޒާގައި ހަމަލާތައް މެދުކަނޑާލަން ވެފައިވާ އެއްބަސްވުމުގެ ފުރަތަމަ މަރުހަލާ ނިމި ދެ ވަނަ މަރުހަލާ ފަށާނެ ގޮތަކާ މެދު ހިޔާލު ތަފާތުވެފައި ވަނިކޮށެވެ.
އިޒްރޭލުން ބުނެފައިވަނީ ހަމަލާތައް މެދުކަނޑާލަން ވީ އެއްބަސްވުމުގެ ފުރަތަމަ މަރުހަލާގެ 42 ދުވަސް މި މަހުގެ ފުރަތަމަ ދުވަހު ހަމަވުމުން އެ މުއްދަތު ރޯދަ މަސް ނިމެންދެން ދިގުދަންމާލަން ނިންމާފައިވާ ކަމަށާއި އެއީ އެމެރިކާ އިން ހުށަހެޅި ގޮތް ކަމަށެވެ.
ނަމަވެސް ހަމާސް އިން ބުނަނީ ދާއިމީ ގޮތެއްގައި ހަމަލާތައް ހުއްޓާލުމާ ބެހޭ ދެ ވަނަ މަރުހަލާގެ މަޝްވަރާތައް ކުރިން އެއްބަސްވެފައިވާ ގޮތަށް މިހާރު ފަށަންޖެހޭނެ ކަމަށެވެ.
އެއްބަސްވުމުގެ ދެވަނަ މަރުހަލާއަކީ ހަމާސް އިން މިނިވަން ނުކޮށް ތިބި އިޒްރޭލު ހުރިހާ ރަހީނުން ވެސް މިނިވަންކުރަން ނިންމާފައިވާ މަރުހަލާ އެވެ. ނަމަވެސް އިޒްރޭލުން މިހާރު ބުނަނީ ހަމަލާތައް މެދުކަނޑާލުމުގެ އެއްބަސްވުމައިގެން ދެން ކުރިއަށް ދާނީ ހުރިހާ ރަހީނުން މިނިވަންކުރުމުން ކަމަށެވެ.




ގުޅުންހުރި
ލަންކާގެ މުސްކުޅިންގެ ސެންޓަރަކުން 11 މަރު, އެންމެން މަރުވީ ފެންބޮޑުވެ ނުނިކުމެވި
ޕީއެސްއެމްގެ އެމްޑީ ނަސްރީން އިސްތިއުފާ ދެއްވައިފި، މި ވެރިކަމުގައި އިސްތިއުފާ ދިން
ލަންކާގައި ކުއްލި ނުރައްކަލުގެ ހާލަތު އިއުލާންކޮށްފި
ހައްޖު ކޯޕަރޭޝަނުން އަނެއްކާވެސް ބިމެއް ގަނެފި, ދޮޅު އަހަރުތެރޭ ގަތް 3
ޔާމީނަކީ ވައްކަންކުރަން ދެވިހިފާފައި ހުރި އިންސާނެއް ކަމަށް ބުނެ ފަލާހުގެ ބޮޑު
ލަންކާއަށް އެހީވާން 50،000 ޑޮލަރާއި 25،000 މަސްދަޅު ކޭސް ދެނީ