ދިރާސީ އާ އަހަރު ފަށާނީ ހޯމަ ދުވަހު

މާދަމާ ސަރުކާރު ހުޅުވުނަސް ދިރާސީ އާ އަހަރުގެ ކިޔެވުން ފަށާނީ ހޯމަ ދުވަހު ކަމަށް އެޑިއުކޭޝަން މިނިސްޓްރީން ބުނެފި އެވެ.

ސްކޫލްތައް ބޮޑު ޗުއްޓީއަށް ދިޔައީ މިދިޔަ ފެބްރުއަރީ 27 ވަނަ ދުވަހު އެވެ.

މިނިސްޓްރީން އާންމުކުރި ދިރާދީ އަހަރުގެ ކަލަންޑަރުގައިވާ ގޮތުން

ފުރަތަމަ ޓާމުގެ ޗުއްޓީ ފަށާނީ ޖުލައި 24 ގަ އެވެ. އަދި ދެވަނަ ޓާމު ކިޔެވުން ފަށާނީ އޮގަސްޓު 10 ގަ އެވެ.

ދިރާސީ ކަލަންޑަރުގައިވާ ގޮތުން މި އަހަރުގެ ދިރާސީ އަހަރުގެ ފުރަތަމަ ޓާމުގައި ކިޔަވައިދޭނެ ދުވަސްތަކުގެ އަދަދު މަދުވާނެ އެވެ. ކުރިން 83 ދުވަސް ކިޔަވައިދޭ ގޮތަށް އޮތް ނަމަވެސް ފަހުން ގެނައި ބަދަލާ އެކު ފުރަތަމަ ޓާމުގައި ކިޔަވައި ދޭނީ 81 ދުވަހުގަ އެވެ.

ދެވަނަ ޓާމުގައި ކިޔަވައި ދޭނީ 99 ދުވަހު އެވެ. މިއީ ކުރިން ނެރުނު ކަލަންޑަރުގައި ބުނެފައިވާ އަދަދަށް ވުރެ ދެ ދުވަހުގެ އިތުރުވުމެކެވެ.