ރައީސް ޑރ. މުހައްމަދު މުއިއްޒު އިނގިރޭސިވިލާތަށް ކުރެއްވި ދަތުރުފުޅަށް ރައީސް އޮފީހުން 153،689.92 ރުފިޔާ ހަރަދުކޮށްފި އެވެ.
ރައީސް އެ ދަތުރުފުޅަކީ މިދިޔަ ހަފުތާގެ އަންގާރަ ދުވަހުން ފެށިގެން ހޮނިހިރު ދުވަހުގެ ނިޔަލަށް ކުރެއްވި ދަތުރުފުޅެކެވެ.
ރައީސް އޮފީހުން މިއަދު ވަނީ އެ ދަތުރަށް ދިޔަ ހަރަދުގެ ތަފުސީލުތައް ހާމަކޮށްފަ އެވެ.
”ރައީސުލްޖުމްހޫރިއްޔާގެ މި ދަތުރުފުޅަށް، ރައީސުލްޖުމްހޫރިއްޔާގެ އޮފީހުން ޖުމްލަ ހަރަދުކޮށްފައިވަނީ 153،689.92 ރުފިޔާ އެވެ،،،“ ރައީސް އޮފީހުން ބުންޏެވެ.
އިނގިރޭސިވިލާތައް ރައީސް ކުރެއްވި އެ ދަތުރުފުޅަކީ އެ ގައުމުގެ ލިވަޕޫލް ފުޓްބޯލް ކްލަބްއާއި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) ގުޅިގެން ރާއްޖޭގެ ފަތުރުވެރިކަން އިޝްތިހާރު ކުރުމަށް ކުރިއަށްގެންދާ ކޯ-ބްރޭންޑް ކެމްޕޭން ހަރަކާތް ފެށުމުގައި ބައިވެރިވެ ވަޑައިގަތުމަށް ކުރެއްވި ދަތުރުފުޅެކެވެ.
އެ ދަތުރުފުޅުގެ ތެރެއިން ރައީސް ވަނީ ލިވަޕޫލްގެ އަކްސާ ޓްރެއިނިން ސެންޓަރަށް ޒިޔާރަތްކުރައްވާ ރާއްޖޭގެ ފުޓްބޯޅައިގެ ތަރައްގީއަށް ކުރެވިދާނެ ކަންކަމާއި ކުރި އަރަމުންދާ އުންމީދީ ކުޅުންތެރިންނަށް ފުރުސަތުތައް ފަހިކޮށްދެވޭނެ ގޮތްތަކާއިމެދު މަޝްވަރާ ކުރައްވައިފަ އެވެ.
އަދި ވަނީ ލިވަޕޫލްގައި ކިޔަވަމުންދާ ދިވެހި ދަރިވަރުންނާ ވެސް ބައްދަލުކުރައްވައިފަ އެވެ. މީގެ އިތުރުން ވަނީ ޔުނިވާސިޓީ އޮފް ލީޑްސް އަށް ޒިޔާރަތްކުރައްވާ ރާއްޖެއާ އެ ޔުނިވާސިޓީން އެކުގައި ކުރެވިދާނެ މަސައްކަތްތަކާމެދު މަޝްވަރާކުރައްވާފަ އެވެ.




ގުޅުންހުރި
ރައީސް ޔޫކޭއަށް، މި އަހަރުގެ ތެރޭ ޔޫކޭއަށް ކުރައްވާ ތިންވަނަ ދަތުރުފުޅު
ރޯދައިގެ ކުރިން އާ 15 މިސްކިތެއް ހުޅުވޭނެ: ރައީސް
ރައީސްގެ ބައްދަލުވުންތަކުގެ ކުރިން ސުވާލު ނުވަތަ ހިޔާލު ހުށަހަޅަން ނުޖެހޭނެ: ހީނާ
އަޅުގަނޑުގެ މޭޔަރުކަމަށްފަހު މާލެ ސިޓީ ކައުންސިލަށް މަސައްކަތެއް ކުރެވިފައެއް ނެތް: ރައީސް
އަންނަ ދިރާސީ އަހަރު ފެށެންވާއިރަށް، ގެދޮރުވެރިޔާ ފުލެޓުތަކަށް ވަދެވޭނެ: ރައީސް
އޭޕްރީލަށް ރަސްމާލެ ހިއްކައި ނިންމައިލެވޭނެ: ރައީސް