މާންދޫގައި ހިނގި އެކްސިޑެންޓެއްގައި ޒުވާނަކު މަރުވެއްޖެ

ލ. މާންދޫގައި ހިނގި އެކްސިޑެންޓެއްގައި ޒުވާނަކު މަރުވެއްޖެ އެވެ.

މަރުވެފައިވަނީ ލ. މާބައިދޫ/ ސޫރަޖް ވިލާ، އިބްރާހިމް ނައުޒަމް، 30އ. އެވެ. މައުލޫމާތު ލިބިފައިވާ ގޮތުގައި އޭނާއަކީ ބާންދޫ ބޯޓުގެ ކެޕްޓަނެކެވެ.

ފުލުހުން މިއަދު ބުނީ، މާންދޫ ބެންޑު ސަރަހައްދުން ސައިކަލެއް ކޮންޓްރޯލް ނުވެ ގޮސް އެކްސިޑެންޓް ވެފައިވާ މައްސަލައެއް މިއަދު ދަންވަރު 1:40 އެހާކަންހާއިރު ރިޕޯޓް ކޮށްފައިވާ ކަމަށެވެ.

އެ އެކްސިޑެންޓުގައި އަނިޔާވި މީހާ ހޮސްޕިޓަލަށް ގެންގޮސް ފަރުވާ ދެމުން ދަނިކޮށް މިއަދު ހެނދުނު 8:45 އެހާކަންހާއިރު މަރުވެފައިވާ ކަމަށްވެސް ބުންޏެވެ.